Popular Bible Verses from Éxodo 32

Share

Te c'alal la yilic te pueblo te ma ba co tal ta wits ta ora te Moisés, bahtic ta stojol Aarón soc hich la yalbeyic: Hahchan, pasbotcotic diosetic te ya xnahilij bahel cu'untic, como te Moisés, te winic te la sloq'uesotic tal ta Egipto, ma jna'tic bin la spas, xchihic.

Ha yu'un te Jehová la yalbe te Moisés: Bahan, cohan bahel, como te pueblo awu'un te la aloq'ues tal ta sq'uinal Egipto, bohlobix yo'tanic. Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

C'alal hich la yil te Aarón, la spas scajtajib ta chiq'uel mahtanil ta stojol te jcolel toro, soc tulan la yal ta aw: ¡Pajel ay me q'uin yu'un Jehová! xchi. Ha yu'un ta schebal c'ahc'al hahchic ta sab, la yaq'uic scohtol chic'bil mahtaniletic soc mahtaniletic scuenta lamal q'uinal. Te pueblo la shuhcan sbahic ta we'el uch'el, patil hahchic ta spasel q'uin.

Ta schebal c'ahc'al te Moisés hich la yalbe te pueblo: Te ha'ex la atahic muc'ul mulil, pero ya xmohonix bahel ta stojol Jehová; ya wan xhu' ya jc'ambe perdón yu'un te amulique, xchi.