Popular Bible Verses from Éxodo 31

Share

Ilawil, tsahbilix cu'un te Bezaleel snich'an Uri, te snich'an Hur, sts'umbal Judá, soc la jnojesbe ta yo'tan te Espíritu yu'un Dios, soc sp'ijil yo'tan, snopojibal, sna'el bin ay ta na'el, soc sna'el spasel bintic t'ujbil, scuenta yu'un ya sna' schahpanel bintic ay ta pasel, ya sna' a'tel ta oro, ta plata soc bronce, ya sna' schahpanel t'ujbil tonetic soc ch'albil ta pasel te', soc spasel spisil ta chahp a'teliletic.

Ya me awalbe te snich'nab Israel: Ta mero melel ya me acanantayic te c'ahc'aletic yu'un cux-o'tan cu'un, como ha seña ya xc'oht ta jtojol soc ta atojolic soc te cajalcaj ats'umbalic, scuenta yu'un ya me ana'ic te ho'on Jehovahon te ya jch'ultesex.

Sbahtel q'uinal ha me seña ta jtojol soc ta stojol te snich'nab Israel, como ta waqueb c'ahc'al te Jehová la spas ch'ulchan soc bahlumilal, soc ta shuquebal c'ahc'al la squehchan ya'tel soc la scux yo'tan, xchi.