Popular Bible Verses from Éxodo 23

Share

Ya me awac' abahic ta stojol Jehová te Dios awu'unic, ha ya ya'be bendición te awe'el soc awa'al. Ya jloq'ues chamel ta awohlil, soc ta aq'uinal mayuc ants te tojol nax ya xc'ax yal soc mayuc mach'a ma ba ya x'alaj. Ya cac' te ya sts'acay te jayeb c'ahc'al ya xcuxajat.

Ilawil, ya jticombat ch'ul a'bat cu'un ta atojol yu'un ya scanantayat ta be soc ya yic'at bahel tey ta lugar te ho'on jchahpanej.

Yan teme smelelil yac awa'iybe sc'op soc teme yac apas spisil te bin ya calbate, ha jcontra ya xc'oht te acontratac soc ya ca'be swocol te mach'atic ya ya'bat awocole.

Ma xat'un te tsobol mach'atic ya spasic te bin chopol, soc ma xawal lotil testigo te jun yac awac' aba soc, yu'un hich ya xjihn a te chahpanele. Soc ma me muc'uc sc'oblal ya xc'oht awu'un te pobre te c'alal ya yich' chahpanele.

Ma xawal te bin scuenta lehaw ta c'op. Ma junuc xawac' aba soc te mach'a chopol yo'tan ta yalel te bin ma meleluque.