Popular Bible Verses from Éxodo 20

Share

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil. Ma me ayuc yantic diosetic awu'un ta jtojol.

Ma me xapasbe sloc'ombahil o biluc a te pajal yilel soc te bintic ay ta ch'ulchan, ta bahlumilal o ta ha'etic ta ye'tal bahlumilal. Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic

Ich'a ta muc' atat soc anan, scuenta yu'un naht ya xc'oht aworahil ta q'uinal te ya ya'bat te Jehová te Dios awu'une.

Na'a me te sc'ahc'alel cux-o'tan yu'un yac ach'ultes.

Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

Waqueb c'ahc'al ya x'a'tejat soc yac apas spisil awa'tel, yan te shuquebal c'ahc'al ha me cux-o'tan yu'un Jehová te Dios awu'une; ma me x'a'tejat a, ha'at, aquerem, awantsil-nich'an, awa'bat, acriada, achanabahlam, o te jyanlum te ay ta awohlil.

Ma me xbic'taj awo'tan yu'un te sna apat-axuhc: ma me xbic'taj awo'tan yu'un yihnam, ya'bat, scriada, j'a'tel-wacax, burro, o biluc ay yu'un te apat-axuhc, xchi.

Ma me xawal te bin ma meleluc ta stojol apat-axuhc.

Ma me xawa'iy antsiwej; ma me xawac' aba ta antsinel.

Ma me xawa'iy milaw.

Ma me xawa'iy elec'.