Popular Bible Verses from Rimljanenđe 10

Share

te priznajineja te mujeja dai o Isus Gospod hem vileja verujineja da o Devel vazdinđa le taro mule, ka ove spasime.

Adalese so, vileja verujini pe zako opravdanje, a mujeja priznajini pe zako spasenje.

I vera avela prekalo šuniba, a o šuniba prekalo propovediba e Hristestar.

Adalese o Sveto lil vaćeri: “Ko god poverujini ano leste, naka ladžal.” Adalese so, nane razlika maškaro Jevrejco hem okova kova nane Jevrejco; adalese soi o Gospod jekh hem ovi isto zako sa o manuša; ov barvale blagoslovini sarijen kola vičinena lesoro anav. Adalese so, “Svako kova vičini o anav e Gospodesoro, ka ovel spasime.”

A sar neko te propovedini e manušenđe te nane bičhaldo? Sar soi pisime ano Sveto lil: “Soi šuže o pre okolengere kola legarena o Šukar lafi.”

Ali, sar te vičinen Okole ana kaste na verujinena? A sar te verujinen ano Okova kastar na šunde? Hem sar te šunen bizo propovedniko?

Adalese so o Hrist dovršinđa o Zakoni te šaj ovel opravdime svako kova verujini ano leste.