Popular Bible Verses from Otkrivenje 19

Share

Te radujina amen hem te veselina amen hem te da lese slava. Adalese so, alo o vreme zako bijav e Bakroresoro hem lesiri nevesta spreminđa pe.

Ko lesoro ogrtači, ko bedro, pisimei lesoro anav: CARO UPREDER O CARIJA HEM GOSPODARI UPREDER O GOSPODARIJA

Tegani dikhljum phravdo nebo, a adari, parno gras. O anavi okolesoro kova ine upro gras Verno hem Čačikano, hem ov pali pravda sudini hem džala ko mariba.

Lesere jaćhai sar o plamen e jagakoro, a ko šeroi lese but krune. Ole isi pisime anav savo niko na džanel sem leste. Urjavdoi ano ogrtači savoi natopime rateja hem vičini pe: Lafi e Devlesoro.

Taro lesoro muj ikljola oštro mači saveja ka khuvel e nacijen. Ka vladini upreder lende sastrenale palicaja hem ka gazini i drakh ani presa oti bari holi e Devlesiri, kova sa šaj.

I Zver inele dolime, a olaja hem o Hovavno proroko, kova ano lakoro anav ćerđa čudesija savencar hovavđa okolen kola priminde o žig oti Zver hem kola pokloninde pe lakere kipese. Soduj dživde inele frdime ano jagalo jezero savo thabjolja sumporeja.