Popular Bible Verses from Rromanodeniza 12

Share

Rridapanape arrirraro zama bazimacca uimassa tinanemanapoma-rrerarri. Arrima tiquenanina bica tani: Tibodidenicca uatoue zati tinanemanarri. Nema tiquenezape ticcadeni madie cacarriqquimeraniuarrine, Deo nacassa tauicca naqui ticauatteraniuarrine. Narrarope bica tanicca ticauattera, Deo tinauatizemanauiuarrine ticauattera, parrirenissa tanicca tinanemananiuarrine ticauattera nanitoui.

Ouimecotedeni, Deo iaza uati cauanari canaui auato tarraro. Narrarorrine ouatti bica teza tiadeniza uati onana, ouattissa tinanemananiuarrine: Tiadeni tessiredenima Deoza teccoremanarri. Tibodideni ssiuarra, uisso teza ticcadeni madie zati Pouaza teccoremanezape Pouatouira timadimanarri. Nema tiquenezape tiadeniza: —Rrehe, ticcadeni danirri ouaza bica tani −narrari. Narrarope Deo Pouaza parrissa tetizemanarrarocca uima parrirenissa tarraro.

Arri titezerremadenicca uima bicanitoui timadimanezape uatizehema timadimanarri. Ocasserani temaneza naqui mouaraza tinauanemanarri. Deoza uatide naqui tinebomana-rrerarri.

Uima uaidira tarraro tiadeni arrimani tonana-rreraniuarrine dameraqquiri tiquenarri. Uima bicani tinanemanezape uaidirehena arrimani torraniuarrine.

Zeso Cristoza rrehe tiquenarrarope pina tia timecote tezerre tetideni cauanerarrarossa tiquenarri. Timecotedeni bica tauicca carrimanapouiuarrine naco tetizemaneza: —Ouape zotode −tiquenana. Timecote uima bicani inaneza naqui pouaza: —Rrehe, tirrine bica tani −tiquenana. Nema ticanirere canezape bica tani.

Parrissehera madirra bazimaza tetideni uanaqquiri narri. Uaidirehezape nacasseraqquiri tiquenarri. Uima bicanitouina dameraqquiri tiquenarri.

Madirra bazima tezerre ticarronerara canehe timadimananiuarrine dameraqquiri tiquenarri.

Ouimecotedeni, tiadeniza ouati uana tani. Madirrarrine tiadeniza uima ssonarizape: —Manaco −tiquenerrerarri. —Ouacconepa Deona inarrizobaqquiuitoui −tiquenarri. Deo Atti dozo nanipe arrima nani: —Poccadeni narrizoue manaconipe Ouana pouadeni onarrizobaqquiuitoui −naui nade ia Zozossede Deo.

Tizepedeni irrimananiuarrinepe iboqquiri tiquenerrerarri. Tibodideni uatizeheri neza ia Zozossedeza tizepedeni irrimanana.

Deo ouaza uati uana tarraria oua cazosseza tiadeniza uati onarraro. Ponima: —Deni orrani, ouana nauato onani –tiquenerrerarri. Mouaraza Deorrine nauatoto tinarraroccaza ticcadeni uima nattome tiquenarri. Zeso Cristoza parrissa tiquenarraroma tibodideni uatome-manarri.

Madirra tiadeniza uima inanemanaza naqui manaco pouadeniza uima tinanemana-rrerarri. Uima bicani tinanemananiuarrinera dameraqquiri tiquenarri. Nazapa madirra bazima ticcadeni madie qqui toquenaza: —Rrehe, poccadeni uima bica tani −quenauiuarrine.

Ticarronerara caneza timadimanarri. —Ouana deni orrani −tiquenerrerarri. Pina timecote arramani toquerrenarraridenissa tiquenarri. —Ouana denima nauato onarraro −tiquenerrerarri.

Poua Atti dozo nani onihipe arrima nani: —Tiaza boque tarrari pemiza naco rripauiuarrine da tinarro. Bacco rrocoza naco ze nauiuarrine passo da ticanarri. Nazapa rraborreri naza tocomehizapa pano tomaccoui nauitoui −nani nade Deo Atti dozo naniza.

Madirra tiadeniza rrara rrara quenaza naco tamassomana terrerarri. Uima bicani carrimanauiuarrine Deozara uati uati tiquenana. Titessedeniza uima bicani torrezape pouadeni tezerre tetizemanarri. Titessedeniza uima ocassera tanicca torrezape pouadeni tezerre orri tiquenarri.

Zeso Cristoza parrissa quenarrarideni cappiremanaza naco tiadenina pouadeniza da tiquenana. Madirra ticcadeni ozaza bacco narronemanaza naco pouadeniza bicaqquiri tiquenarri. Pouadeniza: —Nirra, rraui tirrezimarri. Arra, tirripemanarri. Arriza ticauadirraniuarrine bica tani −tiquenana.

Ia bazimape essire imadirraro. Essire orrarieza uanarizanipe uapi tarraro. Naraha bazima narrarossa nerrerani. Nauatoue onihi onihi nehe carririzemanani. Ia Zeso Cristocca iquerrenarraro naqui narrarossa inarraro. Uapi ineraha Zeso Cristoza itassaqquizape pina poua assire orrarirrarissa inarraro. Iape orrari orrari inarizeraha imecotedeni bazimape irrariqquirraro.