Popular Bible Verses from Rromanodeniza 11

Share

Memecca, namicca bazima anirizarraripa Deo inauatorizarrari. Pocca dacoreheza bazima ecauarizarrari. Bazima anirizarrariza Deocca deni torrehe auato tarraro. Nezape Pouaza: —Tiape deni tirrani, denima bica tinani. Arra Tiassa narrari ouahapa noueraui −ihizanapo nana. Parrissa nema nana.

A, Deocca biquehepe rriquerrerani! Pocca nauatoue naqui rriquerrerani. Poua bodicca uatoue imittaniuarrine iparrire-rrerani. Poua inananicca naqui qqui qqui ineraha imitte-rrerani.

Nerrecorrari ia Zozossede bodi nauato taui? Noueraui. Nerrecorrari Deo bodi acco icanauiuarrine parrireui? Noueraui.

Rridapana naco narrarideni potemaui mota pamehema naha Deo nebomana-rrararrari. Deopa bica tarra, uati uana tarra narrarirrine icatterrizabaqquirrari. Deo bica tarrarirrine icatterriza-baqquirraripa madirra pouadeni inanemanarrarorrine rrerani. Rridacca pouadeni inanemanarrarorrine Deo icatterriza-baqquizapa ettipe: —Deo bica tarrarirrine −inerreranitouiraha.

Zodeodeni motapa pina uizarracca rritona ininessa quenarrari. Cacauadepa rritona inine mota ca ippirizaza manaco zamacca rritona ininera ppa icazana-rizarrari. Tiadeni Abarahao potemaui tiquerrena-rrerarrarope pina zamacca rritona inine ppa cazana-rizarrarissa tiquenarraro. Nezape rritona rraborrinena camittaqquiri tiquenarraro. Naraha: —Iana denima bicaqquiri inarraro, zodeodenipa arramani toquerrenaui −tiquenerrerana. Tibodideni uatorri. Tiadenipe rritona inine tiquerrenani. Tirrinedenipa rritona camitta tarraraui. Poua rraborrinena camitta tarrari.