Popular Bible Verses from 1 Corintodeniza 15

Share

Rrehe ouimecotedeni, tiadeniza ouati uana tani. Uima nema nezape dacoco tirrireza nema tizanapomanarri. Ia Zozossede Deo pocca zossenirriza tizepedeni irrimanezape denima, denima tidameremanani narri. Arrirraro uimape nauatoqquiri tiquenani: Ia Zozossede Deoza tizepedeni irrirrarope ponima rrerani. Pouarrine tiadeniza uima bicani torranitoui.

Nazama ia Zozossede Zeso Cristo pocca dacoreherrine icca uimasiri inanamossiza izoqquezape iaza narrizoue noueranitoui. Nema nezape Deoza etizeza: —Rrehe, peperri. Tirrine bica tani −ihinanarraro.

Parri, madirra attideni nama nama quequenanarraridenipa tiadeni tocamaizabaqqui-manarana. Arri uima titimittemana narrarope: —Madirra madieri bica tarrararrari titesse torrazapa ticca madie bicani amossi nanitoui −quequenanarrari.

Naraha Deopa ouaza bica tarrari. Occa narrizoue peperri inanarrarode. Oua catizezapa pocca zozosse orrarraro. Pocca biquehe naqui ponima ouaza torra-rrerani. Narrarorrinena Pouaza ozepe irrinissa tarraro. Nazama motadenipa arramani zepedeni irrimanarrari. Naraha ouana denima ozepe irrirraro. Arri ozepe irrirrarope orrine rrerani. Deo oua acco canaza ozepe irririzarraro.

Deo Atti dozo nani onihiza naqui: —Nirra Zoqquehe nerrecouarri ticca dacorehe? Nirra Zoqquehe nerrecouarri ticomene? −nani nade Deo Atti dozo naniza. Arri zoqquehe comanipe uimasiri. Narrarorrine madirra parri izoqquerinicca narrizoueza toquerrenarrariparra. Deocca zossenirri taideccape madirra uimasiri inanemanani pouadeniza auato inanarraro.

Naraha arrirraro uima tiadeniza uati onaniuarrinepe madirra mittemanapo-rrarauicca. Auatora taporaha rridapana tiadeniza uati onarraro. Madirra ia motape izoqque-rreranitoui. Naraha rricaporrari assiredeni, ia mota izoqque-rrerarraro essire bazima cacarriqquimera-rizanitoui. Arrima nanitoui: Essirepe amazati cacarriqquimeranitoui, pina inocco pari pari narrarossa nanitoui. Niza rrorro rricauicca rrori rrori nazapa arri namiza imadirrarocca uima rricanitoui. Nazapa rricaporrarideni nauatonimanauitoui, rricapoma-rrarauiuarrine. Nazapa nauatonimanarrari assiredeni, camittaqquiri inaccarraro essire bazima cacarriqquimeranitoui.

Nazama madirra orrariacca uimarrine arrirraro namiza zoqquehe madirraza torrarraro. Madirra orrariacca uimarrine naqui madirra zoqquemanarrarideniza nauatonie torrarraro. Adao potemaui iquerrenarrarorrine ihizoqque narraroparri. Cristoza iquerrenarraro naqui izoqqueraha pouarrine imadipomanitoui.

Arrirraro namicca essire touaidirara taniccape touaidirarera taniccara torranitoui. Essire uatiaha taniccape uatiehera taniccara torranitoui.

Nani zotodepe arrirraro zama rricanicca uima torranitoui. Nazapa cacauehe carrimana, dacorehe carrimana, nauatoue carrimana narrarideni uapima Cristorrine rricarizauitoui. Cristo deni torrazapa poccadeni dacorehe naqui inarricanitoui. Nazapa pouana memeuarricca, namiuarricca bazima zossede torrauitoui. Bazima ecauabaqqui-zanaporraria pocca uadidedeni bazima arramani inanabaqquiuitoui. Poua uauadi rricauicca inarricazapa madirra denima zoqquemana-rrarauitoui. Narrarope zoqquehe rricarraro. Nazapa Cristo pocca Abi Deoza pocca cacauehe da inanitoui.