Popular Bible Verses from 1 Corintodeniza 14

Share

Deopa touatti carrimama canaza pina mouanirrissa narrarocca nacassera tarrari. Poua Atti mouaraza imittaniuarrinena nacassa tarrari. Deopa rronehe rrinede. Pouaza quequeriqquiriza narrarideni bazimapa nama quenauiuarrine.

Touati uanehe ticarrimananiuarrine dameraqquiri tiquenarri. Deo Corimecca nauatoue onihi onihitoui naqui dameraqquiri tiquenarri. Pocca nauatoue orrariepe denima bica tarraro. Narrarope arri Deo Corimerrine madirra bodiza Poua Atti auatoza uati iqquimarraro nauatouena —Ouaza torrana −titiquena narri.

Naraha madirra ouahapa Deo Atti poua bodiza auatorrarocca uati iqquimezape poua imecotedenicca rrehenirri todacorani narraro, madirra ihinauatizebaqqui narrari, madirra uatideni ihinassonabaqqui narrariparra.

Nazama arra touatti rriza tarraroza uati uati totoquena narraridenipa pouadeni motta Deoza poccadeni rrehenirri todacorani narraro. Naraha madirra Deo Atti uati iqquimarize-manazana Deoza quequeriqquimana narraridenicca rrehenirri todacorani narraro.

Nezape timecotedeni tezerre Deo Corimecca nauatoue onihi onihi narizarraro touini tiquenezape Zeso Cristoza quequeriqquimana narrarideni rrehenirrirideni todacorani naniuarrineccara —Ocarrina −titiquena narri, onarraro. Nema nanicca uemani ticarrimananiuarrine dameraqquiri tiquenarri.