Popular Bible Verses from Romans 12

Share

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

Goodou gi malangilangi i de tali hagalodolodo, ma de golomagi oodou lodo i doodou hagaduasala ina, gai dalodalo i masavaa alodahi.

Goodou gi dee dugua ange gi kii de baubau i goodou, aagai goodou haia gi kii tanuaa i de baubau.

Goodou hagadau aaloha i de hagadau aaloha o denga daina, gai gi hagadau hagadubu.

Oodou aaloha gi se mee abodonu; goodou kino i de baubau, gai daohia de mee danuaa.

Gai noo se mee e maua e goodou i de hai, gai goodou gi nnoho i de baba madali dangada alodahi.

Ogu soa hagamogomogo, goodou gi dee suuia ange de baubau, aagai dugua ange gi hai hegau de bole ⌊o de Maadua⌋, go hiidinga gu sisi e hai ange: “Go au e suuia ange de baubau; au e sui ange naa donu,” go TAGI MAOLUNGA e hagadaba.

Goodou gi dee vaiduu gai gi lodo mmahi i de hai hegau, i doodou hai hegau ange gi Tagi Maolunga.

Gai au e hai adu gi goodou alodahi, i hiidinga de abodonu o de Maadua mai gi de au, dahi ma dahi gi dee gona odi dana hagadubudubu donu huu ia; aagai ia gi maua i de maanadu gi heohi, bei de hai a de Maadua gu gaavange ai gi dahi ma dahi dono duuhanga i de gai.

Goodou gi dee suuia ange de baubau i de baubau, gai haia de mee heohi i madamada o dangada alodahi.

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.

Gai “Noo doo hagadaumee gu hiigai, gai koe haangai ina ange ia; noo ia gu hieunu, gai koe hagaunumia ange ia. Noo koe e hai mee nei, gai koe e hagabudu ange naa denga maga ahi gi honga dono biho.”

Hagamanuuia ina gilaadeu e vaivai haia goodou; goodou hagamanuuia ina dangada, e dee hagamalaia gilaadeu. Malangilangi madali gilaadeu e malangilangi, gai tangi madali gilaadeu e tangi.

Goodou bale ange dangada o de Maadua gu duasala laa; goodou abodonu ange gi dangada.

Gai gidaadeu se angaanga e dahi, gai e lagolago ono diba, gai diba alodahi o de angaanga e dagodo daudahi alaadeu hegau, gai e bei ai hogi odaadeu dagodo i lodo o Klisdo: gidaadeu e soa, gai e dahi donu huu angaanga, gai diba alodahi e dau ange gi denga diba ange laa.