Popular Bible Verses from Romans 10

Share

Go hiidinga noo koe e tala i doo ngudu bolo Iesu go Tagi Maolunga ma de hagadonusia i oo lodo bolo de Maadua gu hagamouli age ia i de magau, gai koe e hagamouli.

I hiidinga tangada e hagadonusia i ono lodo e hai hogi ga heohi, gai tangada e daalaa hagadonu mee nei i dono ngudu e hagamouli.

Deenei ai, de gai e daamada mai i taadeu langona de muna, go de agoago o de longo danuaa o Klisdo.

Gai e hagadaba de Beebaa Dabu, “Tangada e hagadonusia ia e dee hagadogaa ina naa donu.”  Gai e dee dagodo geegee donu tangada Ssuu ma tangada Gentile; e dahi donu huu olaadeu Dagi Maolunga, ia e hagamanuuia gilaadeu alodahi e hagahia ange ia. Gai e hagadaba de Beebaa Dabu, “Be goai e hagahia de ingoo o TAGI MAOLUNGA e hagamouli donu.”

Gai dee hee de hai a dangada e agoago ai, noo teai ne hagasauaa ina gilaadeu gi hulo? Gai gu sisi e hai ange, “Ga dae laa de mahamaha vae o dangada e agoago ina de longo danuaa!”

Dee hee de hai a dangada e hagahi ange ai de ia alaadeu tigi hagadonusia laa? Gai dee hee de hai a dangada e hagadonusia ai de ia, alaadeu tigi langona ono dagodo? Gai dee hee de hai a dangada e langona ai noo tigi ai se dangada ne agoagona ange gilaadeu?

Go hiidinga Klisdo go de ngado mai o de hainga, gi maua ai e dangada alodahi e hagadonusia gi heohi i daho de Maadua.