Popular Bible Verses from Mark 9

Share

Iesu ne hai ange gi de ia, “ ‘Noo koe e maua,’ — mee alodahi e maua donu i de hai ange gi tangada e hagadonusia.”

De masavaa laa gai tamana o tama daane laa ga hagaleo laumalie, ga hai ange, “Au e hagadonusia, gai balea mai au i tee dohu dogu gai!”

Gai de masavaa huu o Iesu ne ulu ai gi lo te hale, gai ana dangada agoago ga ssili ange gi de ia, “Gu aha tee maua ai laa e gimaadeu i de hai gi hano gee de hagasaalunga baubau laa?” Ia ne hai ange gi gilaadeu, “Mee bee nei e maua donu huu i de hai gi hulo gee i talodalo.”

Soolo se mee danuaa; aagai noo gu dee mami soolo, gai dee hee ai de hai e hagaahe ange ai e hai gi mami soolo? Haia gi dagodo soolo i oodou lodo, gi maua ai e goodou i de nnoho hagabuni i de baba.”

“Be goai e abodonu ange gi dahi gauligi bei tamaa gauligi nei i hiidinga o dogu ingoo, gai ia e abodonu mai donu gi de au. Gai be goai e abodonu mai gi de au, gai ia e abodonu ange donu gi de ia ne haia nei au gi humai.”

Ni muna abodonu aagu e hai adu nei gi goodou, be goai e gaavadu gi goodou dahi ubu vai i dogu ingoo, i hiidinga goodou nii de Klisdo, gai ia e dee tili donu dono hagaoanga.

“Gai be goai e haia ga haisala dahi dangada maolalo bee nei gu hagadonusia au, gai e danuaa ange donu de nnoa ange dahi hadu mmili laumalie gi dono ua, ga tili ai ia gi lo te moana gelo.

Gai noo doo ganomada e hagahaisala goe, gai koe laoa mai dilia. E danuaa ange doo ulu i de nohoanga hodooligi o de Maadua ma dahi ganomada, i doo tili ange gi lo te ahi ma luoo ganomada ngaadahi