Popular Bible Verses from Mark 4

Share

Gai ia ga alahage ga hagasee de madangi ma de beau, ga hai ange, “Gi sili de madangi, gai gi malino honga de vai!” Gai gu sili de madangi, gai gu malino mmao. Gai ia ga hai ange gi ana dangada agoago, “Gu aha gu maatagu ai naa goodou? Goodou e deai naa donu oodou kai?”

Gai ana dangada agoago gu maatagu mmao ga hagataba i olaadeu magavaa, “Goai taane nei? De madangi ma tai e hagallongo ange hogi gi de ia!”

Aagai Iesu e ulunga i dahi ulunga ma e seni ai i muli moni. Gai ana dangada agoago ne loomai ga hhango ange ia, ga hai ange, “Tangada Agoago, koe e dee anga ange naa donu gi taadeu dai maakau?”

Ia ne hai ange hogi gi gilaadeu, “Goodou kana ange daohia oodou mee gu langona; de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou, gai e hai naa donu ga lagolago ange.

Iesu ne hai ange hogi, “De nohoanga hodooligi o de Maadua e bei dagodo o taane e kave laa ana golee ga doo i honga de gelegele. Gai de boo ma de laangi, e dee hilihili be ia e seni be ala, gai denga golee laa e matili age ga ssomo, gai ia tee iloo donu be dee hee delaadeu hai ne ssomo ai laa.

Be goai e hanu ono dalinga e hagallongo ai, gai ia gi hagalaangona!”