Popular Bible Verses from Matthew 16

Share

Iesu ne hai ange hogi gi ana dangada agoago, “Be goai e lodo e daudali mai i de au, gai ia gi hagangadi mee ina ia, ga saabai dono laagau lui ga daudali mai ai i de au.

Au e hai adu, go koe go Peter; go honga de baba nei aagu e hagaduu ai dogu nohoanga dabu, gai ssauaa o Hades e dee maua donu i de hagadee kii.

Gai au e gaavadu naa gi de goe de gii o de nohoanga hodooligi o de langi; gai be se aha naa huu aau e pono i henua i lalo, gai e pono hogi i de langi; gai be se aha naa huu aau e dugu ange gi hai i henua i lalo, gai e dugu ange hogi gi hai i de langi.”

Be goai e hagaola ina dono mouli e tili donu; aagai be goai e tili dono mouli i ogu hiidinga e hagaola donu dono mouli.

Ni haigamaiana aha de maua e tangada henua i lalo alodahi, aagai dono mouli e tili? Aabe se aha a tangada e gaavange e sui ai dono mouli?

Gai ia ga ssili ange gi gilaadeu, “Aagai goodou e hagataba bolo au goai?” Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

Iesu ne hai ange gi de ia, “Simon tama daane a Jonah, koe gu manuuia! Go hiidinga e dee go dangada ne hagaagona adu mee nei gi de goe, aagai go dogu Damana i de langi laa.