Popular Bible Verses from Rɔmdara 12

Share

Na‐n hana ga fɩlɩkɛ tɩbɩla fɛʋ thɩɩra hananɩ gɩraˈ, sɩ nɩ dɔ Thãgba n debi anɩ kpɩɛrsɔ koo gɩ do nɔɔ nɩ hana ha phaa, liir na puno dɩphã na‐n jɩ gɩrɛ Thãgba n ƴaalnɩ, kɛ dɔnɩ gɩrɛ bʋɔnɔnɩ dɩɩ daaraa haar, ga hana dakha dɩ paaraˈ.

Dɩ gɛr gɩ mɔ̃kɛ Thãgbaa bɔ jɩ jɔrnɩ ka, mɩ‐n phʋʋr nɛr omɩna dɩ na gba anɩ dɩbara a na ha Thãgba, gɩ do bonɩ ji thɩ̃ɛɛkɛ hananɩ yire, a do daphuu, a da Thãgba haar; gɛr dɔ fʋɔr bʋɔɔkɛ na‐n fʋɔrʋʋnɩ.

Nɩ dɔ nũ pɛrɛɛkɛ nɩ hananɩ n cʋʋ nɩ na‐n kãka; na‐n fɔ haar bɔ gaarɛra; na‐n yɩra Thãgba bɩɛlɛla

Fa‐n do puure na‐n puno faˈ, sɩ dɔ fɩ ka fɩ kəə puurera ga‐n the afɩ bɔ cʋʋra.

Ado omi naarra gɩ, na‐n na kha na naʋʋkɛ hanɩ phãphãphã; kɔɔ kʋlɛ ƴɩɛ a na cɔ haan ga‐n hulono.

Na‐n do dɩ anɩ naʋ na‐n hana fɩɩlaˈ; na‐n ƴʋɔnɛ thɩ̃ puu sa ma thɩ̃ bʋɔra kɩ̃kɩ̃kɩ̃.

A nɩ yɩ hʋɛ, nɩ dɔ bʋɔ na tɔɔ kha na ha ɩɩ na tɩbɩla fɛʋ.

Nɛrɛɛkɛ mɩ‐n nanɩ na‐n tiir heluaˈ, sɩ nɩ sɛrɔ Thãgbaa nɩ̃khi a tiir. Gɩdonɩ Kɔ̃tɩn sor Thãgbaa sɛbɛra ayɩ: “Hel tiire dɔ ɩnɩda, dɩ ɩnɛr dɔ ʋrɛ na lɩmanɩ tibil gɩrɛ a cʋʋnɩ.”

Ado thɔ̃ cʋʋrɛra gɩ na‐n hana dokhʋʋraˈ; nɩ hana phãphãphã haarra; na‐n dɔ Kɔ̃tɩnɩ thɔ̃.

Khaardaakɛ Thãgba ha mɩnɩ ɔɔ bɔ jɩra, gɛr dɔ nɔɔ dɩ ma‐n so nɛrɛ fɛʋ bɩɛlbɩɛlla, dɩ na‐n hana dɩbara khəi kpɩɛrɛ gɩ jɔ gɩrɛ mɩɛna nɩnaˈ, sɩ nɩ dɔ gɩ do kpɩɛrɛɛkɛ mɩɛna nɩnɩ, gɩ ha mɔ̃kɛ ha pɛrɛɛkɛ Thãgba ha nɩnɩ bɩɛlbɩɛl hanɩ.

A tibil cʋʋ nɩ puure na‐n bir cʋgʋʋ puurəˈ. Na‐n ƴaalɛ gɩrɛ bʋɔnɔnɩ tɩbɩla fɛʋʋ ƴɛra.

Na‐n hɩnɛ khasɔ bɩɛlbɩɛl na fɩl bɩɛl. Na‐n ka kʋʋraˈ, sɩ na‐n hana kha na wɩrɛɛkɛ tɩbɩla na‐n thernanaˈ. Na‐n hɩɩn anɩbara mɔ̃ nɩ donɩ tɩɩ kpɛsɛsɔaˈ.

Sɩ “a kɔmɛr fʋ afɩ lãlaardaar hanaa dɩkor, a yɔlkhaa fʋʋ hanaa nyʋɔn; gɩdonɩ mɔ̃ fɩ‐n cʋʋnɩ thale ga dor nɔɔ, yicuruukɛ hɔnɩ dɔɔ n fʋʋ.”

Na‐n bɔna wɩrɛ n kpoone narnɩ, na‐n bɔna wɩ na‐n yɩ sʋɔn n ˈle waˈ. Na‐n kãkanɛ na wɩrɛ n kãkanɛnɩ, sɩ na‐n bɛ na wɩrɛ n bɩɛnnɩ.

ha pɛdaraakɛ thɩ̃ɛ n ɓɔrnɩ na‐n bulo wi; na‐n bãbanɛ na kpakpal teere.

Gɩdonɩ mɔ̃kɛ sɩ hananɩ tomɩ ɓanasɔ dɩɩdɩɩ tomɩ bɩɛlla, sɩɩ do tomɩ ɓãasɔra na hana thɔ̃ bɩɛlaˈ; mɛ̃ gɩ ha na sɛrɛ, sɩ jɔrnɩɩkɛrakɛ sɩ tomɩ bɩɛl sɩ do dɩɩ the asɩ bɩɛl dora nakha Kirisiti, dɩ sɛrɛ fɛʋ coore kha ʋ do ʋʋ tomɩ ɓã, dɩ ʋ do ʋʋ tomɩ ɓã.