Popular Bible Verses from Filipidara 2

Share

Na‐n cʋʋ thɩ̃ bɩɛllakɛ na dɩbara na kpɩɛrɛ na i ƴaalaˈ, sɩ nɩ dɔ dɩbara jor n cʋʋ nɩ, ʋ na‐n hɩɩn ʋ, mɔ̃ a kɔ̃tɩnɩ a jʋɔ. Na‐n ƴaalɛ gɩrɛ na bɔnɩ ʋkhasɔra, ga do gɩrɛ dɔnɩ anɩda dɩbara ga.

Nɩ hanana ha caakɛ Jeju Kirisiti kɔɔ hananɩ

“Kɛkɛkɛrarakɛ bɩɛlla a do na Thãgba, sɩ aa kɔɔ hɩɩn ɔɔ Thãgba doole dɩɩ do thɩ̃ɛɛkɛ a na fʋnɩ na khɩmɩnɔ kĩkĩkə̃ˈ. Sɩ ɔɔ thɛthɛ kɔɔ faa ɔɔbara sa debi a gba dee dʋʋr, a hana tomɩr tibil khaa, dɩ mɔ̃ a debini a do tibil, a wurre ɔɔbara a nɩ nũu a dana khir, kʋkʋ thɩrʋra a khirakɛ ɓoɓo.

Gɩdonɩ Thãgba dɔ ʋrɛ n pɩɛrnɩ ƴaalɛ anɩ hara na punone dɩ na‐n cʋʋna gɩrɛ a‐n ƴaalnɩ ga‐n cʋɛ.

Gɛrra gɩ dɩ Thãgba thʋ̃ ɩɩrʋʋ dɩ do dakpɩɛ, a hanaa ire dɩɩ kəə iera fɛʋ. Dɩ ireelera a hananɩ da‐n do Jeju, na dor nɔɔ, nɛkhilə fɛʋ thãgbara ƴũ, na thɩɩra, a gbana tɩɛrdara fɛʋ, na gulẽgaraarɛ, dɩ delẽbe fɛʋ na caan phasɩ nayɩ: Jeju Kirisitira dor Kɔ̃tɩn, dɩ Thãgba Thɩrɛ na ˈlɛr i dʋbɩrɛ.”

Na‐n cʋɛ thɩ̃ɛ fɛʋ sɩ na‐n ƴɛaˈ, na‐n bana thɩ̃ banaa dakha ga; mɛ̃ na ˈlee dɩ paar, na hana sɩ paaraˈ, nɩ do Thãgbaa bɩsãsɔɔkɛ ˈleanɩ sor tɩbɩlaakɛ golonenɩ a kʋɛna dakhaa thɩ̃thɩɩn, kãkɛra nɩ‐n caranɩ dahɩrɛ khaa thɩɩra

Mɛ̃ gɩ ɩ̃ omisɔɔkɛ mɩ‐n nanɩ, mɔ̃kɛ nɩ‐n kɔɔ nɩ mɩnɩ nũu wire fɛʋ, na‐n dɔ thɔma anɩ taarara na cʋrɛ na jẽu, ga‐n do bɔɔkɛ mɩ‐n hanɩ kha na nɛrɛ dɩbara ga, sɩ nɩ ka na cʋɛ ga‐n jɔ mɛ̃ bɔɔraakɛ ma hanɩ kha na nɛrɛ bã.