Popular Bible Verses from Jakobus 4

Share

Diärom wis nü Gott önderdånig, wederstun di Düwel, da flögt hi van ju.

Kom naier tö Gott, da komt hi naier tö ju. Renske di Hunden, I Senders, en måke ju Harten rin en hellig, I Wankelmudigen.

Fornederige ju voar Gott, da wel hi ju forhogere.

En hi jewt rikkelk Gnåd. Diärom said di Skreft: Gottes Geist es tögen di Hogfârdigen, mar danen, diär sik büg let, jewt hi Gnåd.

For hokken wet, Guds tö dön, en däd-t ek, foar di es dit Send.

I bed, en fo nönt, aurdat I öwel bed, omdat I dit ön ju Wellest dörbring kjen.

I Huren en Eebrekerskenen wet I ek, dat di Fründskep me di Warld Gottes Findskep es? Hokken en Frindj me di Wârld wis wel, di mut Gottes Find ud.

I diär ek wēt, wat er mjären geske skel. For wat es ju Lewent? En Damp est, diär en kurt Tid düret, en diäreter forswent.