Popular Bible Verses from Jakobus 3

Share

Mar di Wisheid, diär van bowen djälkomt, es foartjest rin, diäreter fredsom, mild, let sik si, vol Barmhartigheid en gud Frügt, ünpartisk, sönder Falskheid.

Hokken es wis en klōk mung ju? Di bewise me sin gud Wandel sin Werken Sagtmudigheid en Wisheid.

Mar di Frügt van di Geregtigheid ud sen ön Frēd foar dânen, diär Frēd hoald.

For hur Nidskheid en Strid es, diär es Ünordentligheid en lutter ârig Ding.

Me di Tung lowe wü Gott en Våder, en me di Tung flök wü üp di Mensken, diär eter Gottes Bild måket sen. Üt jen en disallew Müd geid Segenin en Flökken. Sa skel-t ek wis, min lew Brödhern!

En di Tung es uk en Jöld, en Wârld vol van Ungeregtigheid. Alliksa es di Tung mung üs Leden, en sollet di hile Likhäm, en tjent üs Wellest en Wandel ön, wan-s van di Hel öntjent sen.

Mar di Tung kjen nin Mensk täm, hat es en Öwel, wat ek tö betwingen es, vol van Geft, om tö sterwin.

Min lew Brödhern! Arkjen wage-t ek, Lirmeister tö uden, betänk I uk, dat I dit uk forswåre skel!