Popular Bible Verses from Hebräer 10

Share

En let üs ek forlet üs Forsåmling, üs Sommen plei, mar let üs arküder formåne, en dit om sa vul moar, wil I se, dat di Dai naier komt.

En let üs Agt iw üp arküder, me Apmuntering en Önhoalden tö di Lewde en gud Werken.

En let üs fast hoald ön di Bekänels van di Höp, en ek wanke, (for hi es tru, diär üs dit tölöwet hed).

Mar Geduld ha I nödig, omdat I Gottes Wel dö, en di Tölöwing fo.

Nü let üs da hentö gung me en wårhaftig Hart, ön di vol Glow, besprängt ön üs Harten, en loas maket van dit bös Geweten, en dit Likhäm es wasket me rin Weter.

Warp ju Fortruen ek weg, wat en gurt Beloaning hed.

For wan wü me Wellen Send dö, eter dat wü di Känels van di Wårheid fingen hå, da hå wü nü nin Åfer moar nödig foar di Send. Mar en skrekkelk Forwagten van dit Gerigt, en van di fürig Iwer, welk di Wederspenstigen fortiäre wel.