Popular Bible Verses from 2 Kolɛntikalu 9

Share

A see yi Ala yɛ ka nɛɛma suu bɛ dɔ kɛ ài yɛ bɛlɛbɛlɛ kɛ, fɔsa waate bɛ ani ko bɛ lɔ, ài mako la yi ɲia, ani a dɔ yi to lala àiya seetiiya kɔkan koɲuma suu bɛ kɛko lɔ.

Wo le y'a ma, ài kelenkelenna bɛ yi niilifen di iwo ài n'a latɛɛla teme ài josokun nɔ. A do kà kɛ ɲakɔlɔsili boloma, niwotɛ diyanigbeyako. Kamasɔlɔn mɔɔ min yi niilifen dila sawa boloma, wo tii le diyanin Ala yɛ.

Ài k'a lɔn ne ko ni mɔɔ min ka malosi dɔni falin, wo tii fana kɛtɔ malo dɔni ne kalila. Kɛɛ do, ni mɔɔ min ka malosi siyama falin, wo tii kɛtɔ malo siyama ne kalila.

Wo lɔ saa, Ala min yi sɛnɛfensi dila sɛnɛkɛba ma, ka bulu di a ma a balo le, ale le kɛtɔ àiya sɛnɛfensi lawalala, k'ài kɛkolu lasawati minu bɔnin àiya telenmandeya lɔ. A do kɛtɔ ài labanayala boloɲa bɛ ma, fɔsa ài bolo yi fɔlin waate bɛ. Ado mɔɔ siyama kɛtɔ balika bɔla Ala yɛ ka bɛn àiya niilifennu ma, m'i minu lasena ai ma.

Tanuli yi Ala yɛ aa niilifen ya ko lɔ, min ɲɔɔzii tɛ.