Popular Bible Verses from 2 Kolɛntikalu 5

Share

Ni mɔɔ min ka kɛ Masa Tɔɔmasenin ya kafonɲɔɔya lɔ, wo tii vɛ kɛ dannifen kula le. Ko kɔlɔlu vɛ tunun, ado ko kulalu le yi je butu.

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

M'i taamana limaniya le boloma, ɲala yeni tɛ.

Wo bɛ bɔnin Ala le lɔ. A na mɔ ni ale gbu wotɛbɛnna Masa Tɔɔmasenin ne sabu la, ka wotɛbɛn baale kalifa mɔ la. Kamasɔlɔn Ala tɛɛ baalela Masa Tɔɔmasenin nɔ ka ale ni dunuɲamɔɔlu wotɛbɛn. A ma aiya julumbulu jate wo kɔ. A do ka wotɛbɛn samakan wo kalifa mɔ la.

Ǹu le taanin kɛla Masa Tɔɔmasenin ɲa le, ka kɛ iwo Ala yi ǹu le labaalela mɔɔlu kiliko lɔ. M'ài madiyala Masa Tɔɔmasenin tɔɔ lɔ, mɔ vɛɛ: «Àilu ni Ala wotɛ yi bɛn!»

A do sanin bɛ le ya ko lɔ, fɔsa mɔɔ minu y'ai nii la, wolu kana ai jɛlɛkanu siya lataama butu, mafɔ Masa Tɔɔmasenin ya siya, ale min sanin aiya ko lɔ k'a wuli kɔtunun. Wo ma yi ne, mɔ tɛ mɔɔ mɔɔ si jatela butu mɔɔnivinya boloma. Hali mɔ tɛɛ Masa Tɔɔmasenin jatela boloɲa wo le ma kɔlɔman ne, kɛɛ tandainɔ, mɔ tɛ a jatela ten butu.

Kamasɔlɔn Masa Tɔɔmasenin ya kanundeya le yi mɔ lamalala. Mɔ do v'a ɲaye ko kɛ́ kelen ne sanin bɛ ya ko lɔ. Wo ma, bɛ fɛ y'aa saya la.