Popular Bible Verses from ROMANOS 3

Share

opakatu ite oyemboangaipa, sese ndosupitɨi ete Tüpä reko porañetesa yuvɨreko. Tüpä rumo oporoaɨsusa pɨpe ovɨ'asa pɨpe avei, omoigätu yande rekokwer mba'e tuprɨ pɨpe narä, Cristo Jesús mano agwer sui yaiko pɨsɨrösa pɨpe kurïtëi.

Jesucristo rese yande yeroyasa pɨpe, Tüpä oseko mo'ɨ̇vi ete opakatu ava vɨroyasar. Nomboyoavɨi ete rumo oporoaɨsusa sereko

Tüpä rumo ombou Gwa'ɨrɨ Cristo oipɨyere va'erä vuvɨ yande angaipa rese ñerö agwä. Ko poropɨsɨrösa yareko yande yeroyasa pɨpe. Na e'i pota Tüpä yande rekokwer moigätu agwä: ipɨpe sui iñeröira yande angaipa yayavɨ va'ekwer upe, esepia a'e oñemosaño va'e ite. A'e omboyekwa pota ite ava kurïtëindar upe marä e'ira yande rekokwer mo'ɨ̇vi oiko; supiete inungar a'e seko ɨ̇vi tuprɨ va'e, egwë e'i aveira Jesús reroyasar rekokwer mo'ɨ̇vi tuprɨ oiko.

esepia ndipoi chietera ñepëi seko avɨye va'e Tüpä rovake ko porokwaita mboavɨye pɨpe, a'e mborokwaita rumo oikwa uka yande angaipa viyar yande reko.

supiete Ikwachiaprɨ pɨpe aipo e'i: “¡Ndipoi ete ava seko katuprɨ va'e ñepëi angara viña! Ndipoi ete ava osendukwa tuprɨ va'e mba'e. Ndipoi avei Tüpä oseka va'e yuvɨreko. Opakatu ava ogwata mba'e naporäi va'e pɨpe; opakatu avei sekokwer kokotɨ tëi yuvɨreko. ¡Ndipoi ete ava mba'e tuprɨ aposar! ¡Ndipoi avei ñepëi angara viña!

Egwë ya'e kurïtëi mba'e mboavɨye yaiko: Tüpä oseko mo'ɨ̇vi tuprɨ ava vɨroyasar, nda'ei rumo porokwaita mboavɨyesa sui tëi.

¡Ani nda'ei ete supi! Esepia, Tüpä omboyekwa ite mba'e supi tuprɨ va'e gwembiapo, yepe opakatu ava semirä ñeteai va'e yuvɨreko; esepia Ikwachiaprɨ araka'endar pɨpe aipo e'i: “Supi tuprɨ va'e Tüpä e'ira nde ñe'ë rese yuvɨreko, iyavei ereikese ava porandusave eresë tuprɨñora ichui.”