Popular Bible Verses from HEBREOS 13

Share

Ndape gwarepochi potarai chira; iya peyembovɨ'año mba'e pereko va'e rese, esepia Tüpä aipo e'i: “Ndoroeyai chietera, iyavei ndapoi chietera ndesui.”

Jesucristo rekokwer noñekuñaröi va'e ite, yɨpɨsuive sekoi apɨre'ɨ̇ va'e.

Evokoiyase aipo ya'era yande yeroyasa pɨpe: “Che Yar che pɨtɨ̇vɨïsar; sese ndasɨkɨyei chietera. ¿Mba'e evokoiyase oyapora ava yuvɨreko cheu?”

Peresarai eme katu ambuae ava upe mba'e tuprɨ aposa sui, iyavei pemondoño ite mba'e pereko va'e ambuae ava upe. Esepia evokoi nungar mba'e seropove'ëprɨ Tüpä oipota.

Sese Jesús rembiapo rese iyakatu yamboeteira apɨre'ɨ̇ va'erä yande Yar Tüpä. Ko imboeteisa inungar mba'e seropove'ëprɨ arɨ rupi chupe. ¡Egwë ya'era imboetei yande ñe'ë pɨpe!

Pe opakatu pemboetei avei mendasa, iyavei peiko pe reko maräne'ɨ̇sa pɨpe mendasa rese; esepia Tüpä oikwara oyemboagwasa tëi va'e upe.

Iyavei peresarai eme pe avasa sui ava oyepotase pe pɨri, esepia ko nungar apo pɨpe amove ava omoinge mbigwai ɨva pendar gwëtä pɨpe.

Tüpä mba'e tuprɨ rerekosar, a'e ni'ä ombogwerayevɨ va'e yande Yar Jesús yande rärösar ɨvate katu va'e, suvɨ pɨpe omboyekwa gwemimbotar pɨasu ndopai va'e imbou yandeu, tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.