Popular Bible Verses from ဢ︀ေၸ︀ႅတ︀် 5

Share

ꩬ︀ူယ︀ႃႇ ပ︀ီꩫ︀်ႈလ︀ုက︀်ႉꩭၢက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဝႃႈယ︀ီင︀်ႈꩡ︀ွမ︀်းက︀ꩫ︀်ႈꩫ︀မ︀်။ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ꩭီတ︀်က︀ꩬ︀င︀်ꩫ︀က︀ေႃႇ ဢ︀ဝ်ႈမ︀ႅတ︀်ႉတ︀ႃꩫ︀ႆ︀ၢႈꩬ︀င︀်ꩭီတ︀်က︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉၸ︀ႅဝ်ꩫ︀ႆ︀ႇꩬ︀ီ ဢ︀ဝ်ႈဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ႅက︀်ꩡ︀ဝ်ႛꩬ︀ီ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႃႇꩭဝ်း ၵ︀ႅက︀်ꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈလ︀ူင︀်ꩫ︀မ︀်။

င︀ႆ︀းꩫ︀ႆ︀ႇꩬ︀ီ ꩬ︀ူꩭလ︀ိုဝ်ဢ︀ူꩫ︀ꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ ꩫ︀င︀်က︀ူꩫ︀်းမ︀ိူက︀်ႉꩫ︀ႆ︀ႇၵ︀ဝ်ꩫ︀က︀ꩫ︀်ႈပ︀ီဢ︀ူ။ ꩫ︀င︀်က︀ူꩫ︀်းဢ︀ꩫ︀်ႈပ︀ိင︀်ꩥ︀ႃယ︀င︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈဢ︀ူက︀ꩫ︀်ႈတ︀ႃႉ။ င︀ႆ︀ႚယ︀ႃႇ ပ︀ီꩫ︀်ႈꩡ︀ူဝ်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇꩬ︀ီ ꩬ︀ူယ︀ႃႇ လ︀ွင︀်ႈꩫ︀ီႈဢ︀ꩫ︀်ႈꩬ︀ူထုက︀်ꩭီတ︀်ꩫ︀ႆ︀ႇၵ︀ဝ် က︀ႃႈꩫ︀င︀်ပ︀ီꩫ︀်ႈꩫ︀ႆ︀ႛꩫ︀ႆ︀ႇ က︀ူႈယ︀ၢမ︀်းꩭီတ︀်က︀ꩫ︀်ႈတ︀ႃႉ။

ꩬ︀ူယ︀ႃႇ ပ︀ီမ︀ူးပ︀ီမ︀ဝ်းက︀ꩫ︀်ႈ။ ꩭၢင︀်းꩭႂ်ႛꩬ︀ူၸ︀ူႛꩡ︀ဝ်ႛꩬ︀ိုင︀် လ︀ူႇပ︀ႅက︀်ႉက︀ႃꩫ︀ႆ︀ၢႈꩫ︀မ︀်။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် ꩬ︀ူမ︀ႆ︀ႛꩭႂ်ႛထႅမ︀်တ︀ီမ︀်ႈꩰꩬ︀ီ ꩭႂ်ႛဢ︀ုပ︀်ႉပ︀ိုင︀်က︀ꩫ︀်ႈတ︀ႃႉ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူတ︀ၢꩫ︀်ႛၵ︀ၢမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈၵ︀ၢမ︀်းꩬ︀ႃလ︀ၢမ︀်၊ ဢ︀ဝ်ႈၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ဝႃႈက︀ꩫ︀်ႈတ︀ႃႉ။ လ︀ုက︀်ႉꩫ︀ႂ်းꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းယ︀ွင︀်ႛၸ︀ြႃပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ၵ︀ၢမ︀်းꩬ︀ႃလ︀ံၢꩫ︀ႆ︀ႇၵ︀ဝ် ဢ︀ွေက︀ꩫ︀်ႈတ︀ႃႉ။ လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ꩫ︀င︀်ၸ︀ူႛမ︀ိူက︀်ႉꩫ︀က︀ꩫ︀်ႈ မ︀ဝ်ၵ︀ႂ်ႈꩡ︀ႂ်ႈၵ︀ႂ်ႈၵ︀ူဝ်းꩬ︀ီ ပ︀ီဢ︀ူက︀ꩫ︀်ႈ။ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛက︀ꩬ︀င︀်ၵ︀ႂ်ႈꩭႂ်ႛꩭီတ︀်ꩫ︀ꩫ︀ႆ︀ႇ ဢ︀ဝ်ႈတ︀ွင︀်းက︀ꩫ︀်ႈတ︀ႃႉ။

ပ︀ူဝ်ႈꩭိူꩫ︀်းၵ︀ဝ်ꩴ︀း ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ိူဝ်းမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩬ︀ီ ၵ︀ွတ︀်ဢ︀ꩬ︀ၢက︀်ႉမ︀ႃးꩫ︀က︀ꩫ︀်ႈ ꩬ︀ူက︀ေႃႇ မ︀ေႈꩭိူꩫ︀်းꩬ︀ူမ︀ႆ︀ႛ ꩭၢက︀်ႉက︀ꩫ︀်ႈတ︀ႃႉ။

ꩬ︀ူၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ဢ︀ူမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ ꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛထႃဝရ︀ၸ︀ြႃးမ︀ႃးꩬ︀ီ င︀ႆ︀ႚယ︀ႃႇထိုင︀်ဢ︀ꩫ︀်ႈလ︀ႅင︀်းမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩫ︀င︀်က︀ူꩫ︀်းက︀ꩫ︀်ႛꩫ︀ႂ်းဢ︀ꩫ︀်ႈလ︀ႅင︀်းꩫ︀က︀ꩫ︀်ႈ ဢ︀ူက︀ꩫ︀်ႈတ︀ႃႉ။

ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ က︀ူဝ်ႈယ︀မ︀်ႈင︀ႆ︀းꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ က︀ွမ︀်းဢ︀ၢပ︀်ႉက︀ꩫ︀်ႈတ︀ႃႉ။

မ︀ေႈꩭိူꩫ︀်းၵ︀ဝ်ꩴ︀း ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ က︀ွမ︀်းဢ︀ၢပ︀်ႉꩫ︀က︀ꩫ︀်ႈ ပ︀ူဝ်ႈꩭိူꩫ︀်းꩬ︀ူမ︀ႆ︀ႛ က︀ွမ︀်းဢ︀ၢပ︀်ႉက︀ꩫ︀်ႈတ︀ႃႉ။

ꩫ︀ႆ︀ႇꩫ︀က︀ေႃႇ ဢ︀ꩫ︀်ႈꩬ︀ူၸ︀ူဝ်မ︀ေးꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈဝႃႈက︀ေႃႇꩡ︀ႂ်ႈဢ︀ူ။ င︀ႆ︀းꩫ︀ႆ︀ႇꩬ︀ီ ပ︀ူဝ်ႈꩭိူꩫ︀်းက︀ူႈက︀ူဝ်ႇ ꩫ︀င︀်ၸ︀ူႛꩡ︀ဝ်ႛမ︀ႆ︀ႛꩭၢက︀်ႉꩫ︀က︀ꩫ︀်ႈ မ︀ေႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛဝႃႈꩭၢက︀်ႉꩫ︀မ︀်။ မ︀ေႈꩭိူꩫ︀်းက︀ူႈက︀ူဝ်ႇက︀ေႃႇ ပ︀ူဝ်ႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ဝႃႈꩫ︀ၢပ︀်ႉယ︀မ︀်ႈꩫ︀မ︀်။

က︀ျမ︀်းလ︀ိက︀်ႉမ︀ႆ︀ႛ “ၸ︀ူႛꩡ︀ႆ︀ၢးယ︀ႃႇ ပ︀ူဝ်မ︀ေမ︀ꩫ︀်းမ︀ႆ︀ႛၸ︀ၢက︀်ႉက︀ႃꩬ︀ီ တ︀င︀်းမ︀ေႈꩭိူꩫ︀်းမ︀ꩫ︀်းတ︀ီလ︀ွမ︀်ႈက︀ꩫ︀်ႈ၊ တ︀ီပ︀ီꩫ︀်ႈက︀ူဝ်ႇလ︀ိူင︀်ႈꩫ︀ႆ︀ၢႈꩫ︀မ︀်” ꩫ︀ꩬ︀ီဝႃႈဝႆ︀ႇဢ︀ူ။

က︀ူꩫ︀်းက︀ꩫ︀်ႛꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ဝ်ꩫ︀ီႈ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ꩭီတ︀်ꩫ︀က︀ေႃႇ ꩬ︀ူယ︀ႃႇပ︀ီꩭီတ︀်။ ၸ︀ꩫ︀်းဢ︀မ︀ႂ်းၵ︀ဝ်ꩵ︀ႈꩫ︀ီႈꩫ︀ꩫ︀ႆ︀ႇꩬ︀ိုင︀် ပ︀ိူꩫ︀်ႈမ︀ႆ︀ႛပ︀ျႃးꩭႂ်ႛတ︀ႃႉ။