Popular Bible Verses from Ioane 7

Share

ko ai lava e talitonu mai kia te au, e tatau ke inu. E vē ona tūhia i te tuhituhiga paia, ‘Ko nā vaitafe o te vai e maua ai te ola, e tafe mai ki fafo i tona fatu.’ ”

I te toe aho, ma ko te aho ia e hili ona tāua i nā aho o te Kaiga Fakamanatu, na tū ai ki luga ia Iehu oi tautala leo lahi vē atu, “Ko ai lava he tino e fia inu, hau kia te au, ma

Ko te kupu tēnei a Iehu na fai fakatatau ki te Agaga Paia, tēia na tuku e maua e nā tino kua talitonu. I te taimi tēnā, ko hēki tuku atua e te Atua te Agaga Paia, auā ko Iehu ko hēki fakaeketia ki tona mamalu.

Nahe faia te fakamahinoga a koutou fua ki nā mea e kitea i nā mata, kae fua ki te mea e tonu.”

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

Na tali atu ia Iehu kia te kilātou, “Ko nā mea e akoako atu e au, e hē āku, kae e hau mai te Atua, tē na ia uga maia au.

Ko te lalolagi e hē inoino atu kia te koutou, kae e inoino mai kia te au, auā ko au e molimau ki te kino o ana gāluega e fai.