Popular Bible Verses from Ioane 1

Share

Kae ko kilātou uma na taliagia ia ma talitonu ki ei; na ia tuku atua ki ei te haolotoga, ke kavea ai kilātou ma fānau a te Atua.

Nae i te kāmataga te Kupu, ma nae iei fakatahi ma te Atua, ma ko te Kupu ko te Atua.

Ko te mālama e huhulu i loto o te pōuli, ma e hēki mafai lele e te pōuli oi tāmate.

Na liu tino tagata te Kupu ma nae mau fakatahi ma kimātou, ma tumu i te alofa tūnoa ma te fakamāoni. Na kikila kimātou ki tona mamalu, te mamalu o te Ataliki e toka tahi o te Tamana.

Na fai e te Atua nā mea uma e ala i te Kupu; e hēai foki he mea e fokotahi i te lagi ma te lalolagi na fai, kae hē iei te Kupu. Ko te Kupu ko te puna o te ola, ma ko te ola tēnei na kaumaia te mālama ki tagata uma.

I te aho alafaki na kitea atu ai e Ioane ia Iehu nae āgai mai kia te ia, oi na lea atu ai vē, “Kikila, tēia te Punuāmāmoe a te Atua e kave kehe e ia, ia agahala a te lalolagi!

Ko te Kupu nae i te lalolagi, ma ko te lalolagi na gaohia e ala ia te ia, kae nae hē iloa ia e te lalolagi. Na hau ki tona nuku, kae na hēki talia ia e ona tagata.

Ko te mālama moni tēnei—ko te mālama e hau ki te lalolagi ma huhulu atu ki luga o tagata uma, kae ke kilātou kitea ai te meamoni.

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.