Popular Bible Verses from Kenehe 35

Share

Ma na vāgana atu te Atua kia te ia, “Ko au ko te Atua Mālohihilihili. Ke haga tupu pea ma tokalahi au fānau; ma ka tupuga mai ia te koe ni mālō e lahi, ma ko iētahi o nā lāpuna o koe ka kavea kilātou ma tupu. Ko te fenua na fōki e au kia Apelaamo ma Ihaako, ka kō fōkia atua kia te koe, ma ka toe fōki e au ki nā lāpuna o koe kāfai e uma tō ola.”

Ko kitātou ka olo ki Peteli, ma ko kinā ka fakatū ai e au he fata faitāulaga ki te Atua, tē na fehoahoani mai kia te au i te taimi o toku puapuagā, ma e fakatahi pea ma au i nā mea uma e fano au ki ei.”

Ma na vāgana atu te Atua kia te ia, “Ko te igoa o koe ko Iakopo, kae e kāmata atu nei ko koe ka fakaigoa kia Ihalaelu.” Oi na fakaigoa ai ia e te Atua kia Ihalaelu.

Oi na lea atu ai ia Iakopo ki tona kaukāiga ma kilātou uma lele nae iei fakatahi ma ia, “Tīaki nā fakatuha atua kehe e ia te koutou, ma fakamamā outou tino ma fai ni outou kofu mamā.

Mulimuli ake, oi na vāgana ai te Atua kia Iakopo, “Fano nei loa ki Peteli ma nofo i kinā. Fakatū he fata faitāulaga i kinā ke tāpuaki mai ai kia te au, te Atua na fakaali atu kia te koe, i tō hola kehega mai ia Ehau.”

Kae ko Lahela kua tāli oti lele, ma i te taimi na tō ai tana mānava, na ia fakaigoa ai tana pepe kia Penoni, kae kua fakaigoa e Iakopo kia Peniamina.