Popular Bible Verses from Kenehe 28

Share

Kikila, ko au ka fakatahi pea lava ma koe, ma puipui kia te koe i hō he mea e fano koe ki ei; ma e kō toe kaumaia lava koe ki te fenua tēnei. E hē kō tuku tīakia lele koe, heiloga kua uma te kō faia o nā mea uma lele na kō folafola atua kia te koe.”

Ma ko te ALIKI nae tū tafapili ake i ona tafa ma lea vē ake, “Ko au ko te ALIKI, te Atua o Apelaamo ma Ihaako; ko te fenua kātoa uma tēnei, e pa ki te mea tēnā e takoto ai koe, ka kō fōki atua kia te koe ma nā lāpuna o koe.

Kua ala ia Iakopo, ma nae māfaufau lava ki tana miti ma lea vē ai, “Ko te ALIKI e i kinei! E i kinei i te mea tēnei kae e hēki iloa e au!”

Oi na fai ai te tautōga a Iakopo e vēia, “Kāfai te Atua ka fakatahi pea ma au ma puipui mai kia te au i taku malaga tēnei e fakaauau, ma fōki mai e ia ni aku meakai ma ni oku kie, ma kāfai ia au e toe foki mai ma te haogalēmū ki te fale o toku tamana, oi ka fai ai loa te ALIKI ma oku Atua. Ma ko te fatu tēnei kua fakatū e au, ka fai ma fakailoga o te nofoaga ka tāpuaki atu ai ia tagata kia te koe, ma ka fōki atu e au kia te koe te tahi-vae-hefulu o nā mea uma e kē fōki maia kia te au.”

Ka tokalahi nā lāpuna o koe e vē ko te pefu i te kelekele, ma ka takape atu kilātou ki itū uma o te lalolagi; ma e ala ia te koe ma ō lāpuna, ka fakamanuia ai e au ia mālō uma.

Na fakaigoa e ia te nofoaga tēnei ko Peteli. (Ko te nofoaga tēnei nae igoa muamua kia Luhu.)