Popular Bible Verses from Kenehe 15

Share

Ko Apelamo nae talitonu ki te ALIKI, ma e ona ko te mea tēnei na fiafia ai te ALIKI ma na ia talia ai ia, ko he tino āmiotonu.

Kua uma atu te mea tēnei, oi na fakakitea ai te ALIKI kia Apelamo i he miti, e vāgana ve ake kia te ia, “Apelamo, ia koe nahe mataku. Ko koe ka puipui e au ma ka kō fōkiatua he taui lahi mo koe.”

Oi na kave ai e te ALIKI ia Apelamo ki fafo o te falekie ma vāgana vē atu ki ei, “Kikila ki te vānimonimo ma nā fetū e iei pe kē mafaia oi faitau; ka vēnā foki lava te tokalahi o nā lāpuna o koe.”

Oi na toe lagona ai e ia te ALIKI kua vāgana mai vē kia te ia, “Ko te pologa a koe ia Eliehe, e hē faia ma ona tofi nā meatōtino a koe; he ataliki lava o koe te ka kavea ma huli o koe.”

Oi na vāgana ai te ALIKI kia Apelamo, “Ke iloa lelei e koe, ko nā lāpuna o koe ka kavea ma tagata kehe i he fenua kehe; ka fai ma pologa i kinā, ma fai kino ki ei ia tagata mo ni tauhaga e fa helau.

Ka kua tali atu ia Apelamo, “Te Aliki te ATUA, heā nei te aogā o te taui ka kē fōki maia kia te au, ka ko au e hēai haku fānau? Oioti lava toku huli ko Eliehe o Tamaheko.

Oi ko kinā na fai ai te feagaiga a te ALIKI ma Apelamo. Na vāgana vē te ALIKI kia Apelamo, “Mo nā lāpuna o koe, e tuku atu e au ki ei te fenua tēnei mai te tuākoi o Aikupito ke pa ki te Vaitafe ko te Eufilate

E fa ia augā tupulaga oi fātoā toe foki mai ai nā lāpuna o koe ki kinei, auā ka hē kō tuli keheagia nā tino ha-Amolī ke pa ki te taimi kua matuā kino ai a lātou āmio, ma kua tatau ai ke fakahalagia kilātou.”