Popular Bible Verses from Ehoto 9

Share

Kae ke mafai ke fakaali atu kia te koe toku mālohi, kua kō tukua ai koe ke ola, kae ke halalau ai toku takutakua ki te lalolagi kātoa.

Oi na vāgana ai te ALIKI kia Mohe, “Fano ki te tupu ko Falao ma lea ki ei ko te ALIKI te Atua o nā tino Epelu e lea mai, ‘Tuku oku tagata ke olo kae ke mafai ke tāpuaki mai kilātou kia te au.

Kana he mea na pakū toku lima ki luga o koe ma ō tagata ma fakapēhia koutou i nā tauale, e vēnei ake kua tafi kehe koutou mai te lalolagi kātoa.

ka kō fakatupua he fāmai pēhi fakamātakutaku ki au lafumanu i luga o te fenua—au holofanua, āhini, kāmela, pōvi, māmoe, ma au oti. Ma ka kō faia he mea ke kitea ai te kehekehega o nā manu tauhi a nā tino Ihalaelu ma nā manu tauhi a nā tino Aikupito, ma e hēai he manu a he tino Ihalaelu e mate.

Kikila, i te taimi vēnei tāeao, ka kō faia ke tō ifo ni ua aiha mamafa lele, ni ua aiha mamafa ko hēki kitea lele i Aikupito i tona tala tuku fakaholo. I te taimi nei la, fakatonu loa ke kave nā lafumanu ma iētahi manu fafaga e i fafo i te lau fenua, ki ni mea e malu ai. Auā ka tō te ua aiha ki luga o tagata vēnā ma nā manu koi fafo ma hē i ni mea e malu ai, ma ka mamate uma ai kilātou.’ ”

Ka takape ma halalau te lefulefu e vē ko te pefu ki luga o te fenua kātoa o Aikupito, ma ka tutupu ai nā fakafoa papala ki tagata vēnā ma nā manu tauhi uma.” Oi na olo ai ia Mohe ma Alona ki mua o Falao ma kave nā lefulefu; na togi e Mohe nā lefulefu ki luga i te ea, ma na tutupu ai nā fakafoa papala ki tagata Aikupito ma a lātou manu.