Popular Bible Verses from Efeho 4

Share

Kae ke agalelei ma loto lelei tētahi ki tētahi, ma fakamāgalo tētahi e tētahi e vē oi fakamāgalo koutou e te Atua e ala ia Keliho.

Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi.

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Tīaki te loto fekai, te nauloto ma te ita. Nahe toe taukekē pe faikupu fakakino, ma nahe toe iei lele ni lagona inoino ki iētahi tino.

Kāfai koutou e ita, nahe kavea te koutou ita ma mea e agahala ai koutou, ma nahe fano te aho kātoa koi ita koutou. Nahe tukua e koutou he avanoa ki te Tiāpolo.

Ko te mea ia, tīaki loa outou uiga tuai nae ola ai koutou muamua—nā uiga tuai e fakaumatia ai koutou ona e maua mai ai e koutou nā tuinanauga e fakahehē ai. E tatau outou loto ma outou māfaufau ke toe fakafōugia kātoatoa, ma fakakitea outou tino fōu e vē ni kofu fōu, iēia e gaohia i te fakatuha o te Atua, ma fakaalia e ala i te olaga moni e tonu ma paia.

Ko te Aliki te kua maua ai e koutou te tahi. Taumafai la ki te mea e gata ai te koutou mafai, ke tūmau pea te tahi o koutou. Ko te auala e mafai ai te mea tēnei, ko te fuhia fakatahi o koutou i te fīlēmū.

Ko ia te na ia “fōkia nā meālofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifeau ma iētahi ma faiākoga. Na fai e ia te mea tēnei ke hāunia ai ia tagata uma o te Atua mo nā gāluega faka-Kelihiano, kae ke ati ake ai te tino o Keliho. Oi ko kitātou la ka fuhia fakatahi ke fai ma tino e tahi i to tātou talitonuga ma to tātou iloa o te Ataliki o te Atua; ka kavea kitātou ma tagata kua kātoatoa te mātutua i to tātou talitonu ki te Atua, e vē foki lava ko Keliho.

Ka hē toe vē kitātou ni tamaiti e fetolifaki e nā galu, ma pūhia holo i matagi vale o nā akoakoga a nā tino faitogafiti kino, iēia e kilātou takitakia iētahi tino ki te mea hehē, e ala ia lātou togafiti popoto. Kae ko kitātou e tatau ke tautatala i te meamoni ma te agaga alofa o tētahi ki tētahi. Ko Keliho ko te ulu o te Ekalehia, e tatau ai la kitātou ke tuputupu ake ke vē ko ia i ho he itū.