Popular Bible Verses from 2 Kolinito 5

Share

Ho he tino kua ia te ia te hokotaga ma Keliho, ko he tino fōu ia; kua teka atu te mea tuai, kae kua hau te mea fōu.

E hēki iei lele he agahala a Keliho, kae mo to tātou lelei, na fai ai e te Atua ke agahala fakatahi ia ma kitātou, kae ke kavea ai te fakaleleia o kitātou ma Keliho, ma mea e talia ai kitātou e te Atua.

Auā ko kitātou e ola e ala i te fakatuatua, kae hē ala i nā mea e kitea i nā mata.

Ko te mea kātoa tēnei na fai e te Atua. Na ia fakaleleia to tātou vā ma ia e ala ia Keliho, ma tuku mai e ia kia te kimātou te gāluega ko te fakaleleia o te vā o ia ma iētahi tino. Ko te uiga o ta mātou lea atu, kua fakalelei e te Atua te vā o ia ma te lalolagi e ala ia Keliho. E hēki ia faitaua ia agahala a tagata, ma kua tuku mai e ia te fekau kia te mātou, e mafai ai ke fakalelei te vā o ia ma tagata.

Ko kimātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki te fekau e kavatu e kimātou. Ko kimātou e tautatala i te igoa o Keliho ma aioi atu i te agaga moni, ke fakalelei te vā o koutou ma te Atua.

Ma ko Keliho na oti mo tagata uma, kae ke nahe toe ola ai nā tino e ola mo kilātou lava, kae ola oioti mo tē na oti ma toe fakatū mai ki te ola, mo kilātou. Ko te mea ia, e kāmata atu nei, e hē toe kitātou fakamahinoa he tino, i te kikilaga faka-te-tagata. E ui lava na iei te taimi na kitātou fakamahinoa ai ia Keliho i te kikila faka-te-tagata, kae kua hē toe fai vēnā e kitātou nei.

Ko kimātou e pūlea e te alofa o Keliho, ona kua mautinoa e kimātou, kāfai na oti he toka tahi mo tagata uma, ko kitātou uma foki la na oti.