Popular Bible Verses from 1 Kolinito 8

Share

kae mo kitātou, e fokotahi oioti lava te Atua, ko te Tamana, na ia gaohia ia mea uma, ma ko kitātou e ola mo ia; ma e fokotahi oioti lava te Aliki, ko Iehu Keliho; e ala ia te ia na gaohia ai ia mea uma, ma e ala ia te ia kua ola ai kitātou.

E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te kitātou uma te mālamalama,” e vē oi lea ai kilātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi. Ko te meamoni, ko nā tino e manatu e kilātou iloa he mea, ko hēki kilātou iloa nā mea e tatau ke kilātou iloa.

Ko te mea ia, kāfai ko nā meakai e agahala ai he tino kua talitonu, ko au ka hē toe kai lele ki nā kanofi o nā manu, kae ke nahe agahala ai he tino kua talitonu.

Kae e tatau lava koutou ke fakaetēte, ke nahe kaveagia te haolotoga o koutou i nā mea iēnei, ma ala e pakukū ai ki te agahala kilātou e vāivai i te fakatuatua.