Popular Bible Verses from 1 Kolinito 5

Share

Ko te uiga o taku lea atu, ia koutou nahe fakapipiki ki he tino e lea ko ia ko he Kelihiano, kae fai āmio mātagā, pe manako lahi, pe ifo ki tupua, pe tau fakakino, pe konā, pe kaihohoa—nahe nonofo foki ki lalo ma kakai fakatahi ma he tino vēnei.

E tatau ke koutou kave kehea te mea fakafefete tuai o te agahala, kae ke mamā kātoatoa ai koutou. Oi ka vē ai koutou he paluga fōu e hēai he fefete e iei, e vē ona mautinoa e au, ko koutou e vēnā. Auā ko Keliho, te tātou punuāmāmoe o te Kaiga o te Pāheka, kua uma te ofo atu ma tāulaga.

Auā heā nei taku fekau e fakamahino ai e au nā tino i fafo ma e hē i loto o te Ekalehia? E hē ko nā tino nei i loto o te Ekalehia te tatau ke koutou fakamahinoa? E fakamahino e te Atua nā tino i fafo e vē oi lea mai te tuhituhiga paia, “Kave kehe te tino kino mai te koutou māopōpoga.”