Popular Bible Verses from 1 Kolinito 3

Share

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

Auā kua uma te fakatū e te Atua te fakavae e fokotahi, ko Iehu Keliho, ma e hēai he tahi fakavae e mafai ke toe fakatū.

Ko te tino na ia totōa ma te tino na ia fakahūhūa e hē tāua. Kae ko te Atua te tāua, auā na fakaola e ia te lākau.

Auā ko kimātou ni tino e faigāluega fakatahi mo te Atua, ka ko koutou ko te fātoaga a te Atua. Ko koutou foki ko te fale o te Atua.

Ma ko te lelei o gāluega a tagata tau toka tahi, ka kitea i te Aho o Keliho. Auā i te Aho tēnā, ko te afi te ka iloa ai ia gāluega a tagata tau toka tahi; ko te afi te ka fuafua ai ma iloa, pe na lelei moni nā gāluega a kitātou na fai.

E hēai he mea e kehe ai te tino e ia totōa ma te tino e ia fakahūhūa; ka fōki e te Atua te taui o te tino e tuha ai ma tana gāluega kua fai.

Ia koutou lele nahe fakahehēagia. Kāfai he tino o koutou e manatu ko ia e poto i nā mea o te lalolagi nei, e tatau i te tino tēnā ke kavea ma vale, kae ke poto moni ai ia.