Popular Bible Verses from 1 Kolinito 11

Share

Na vēnā foki i te kua uma o te kakai, kua tago ki te ipu ma vē atu tana kupu, “Ko te ipu tēnei o te feagaiga fōu a te Atua, kua fakamau fakailoga i toku toto. Ho he taimi e inu ai koutou ki ei, ke fai tēnā ma fakamanatuga kia te au.” Ko te uiga o te mea tēnei, ho he taimi lava e kakai ai koutou ki te falaoa ma inu ki te ipu, e folafola e koutou te mate o te Aliki ke pa ki te taimi e toe haele mai ai.

Auā na tuku mai e te Aliki kia te au, te akoakoga na kō fōkiatua kia te koutou e vēia: i te pō na fakalata ai te Aliki ko Iehu, na tago ai ki he falaoa, kua fakafetai ki te Atua, ma na tavaevae ai ma lea vē atu, “Ko toku tino tēnei, e mo koutou. Fai te mea tēnei ma fakamanatuga kia te au.”

Ko te mea ia, e tatau ke muamua iloilo ifo e te tino tona lava loto, oi kua kai ai ki te falaoa ma inu ki te ipu. Auā kāfai e hē talia e koe te uiga o te tino o te Aliki i te taimi e kai ai koe ki te falaoa ma inu i te ipu, kua kē tuku atua lava koe ki te fakamahinoga.

Kae ko ai lava e kai ki te falaoa a te Aliki ma inu ki tana ipu i he faiga e takuvalea ai ia, kua agahala ia ona ko tana mea kino kua fai ki te tino ma te toto o te Aliki.

Fakatakitaki mai la kia te au, e vē oi fakatakitaki au kia Keliho.