Nī lúŋgɛlka Zɛ̌mb nyɛ mot ɗí nɛ khul ɛlelɛl ɓén tí ɛɓūklā, ī dálā nɛ Tyaa Pɔ́ mí ɗí tí ɛlɛ́ɛ́ é, pɔ́ mí Yésus Kilís mí ɗí tí ɛtyáá tūnd ê, ī dálā thɔ́k nɛ ŋgūā nā ɓyeka tí jwǒk sɔlā mí Zɛɛ̄mb ê. Jwok ték ɛ́, yā ɓɛ í í ɓwɛɛ ɗɛ Zɛ́mb ā lwáa sɔl yɛ. Sá gwát ɛ́chāak ɛ́, mɛkanā mɛ̄ ógbɛ́sel o mítɔɔ̄p o mí Zɛɛ̄mb ɓā til ɗakɛ Zɛ́mb ɗí ndǒmb ɗiī ó ā ɓa lɛ́ɛ ɓɛ ékɛ́, mɛ́ ɛ gbɛ́s jwok yɛ̄ ték tí ɛɓyakɔɔ. Tí ɛsú ɛ̄ nāá, mɛyɔŋ myɛ̂ɛs ɗí ta ɓɛ Óyúɗɛn mák ɛ́, mɛ̄ gû jwok ték ɛ́, mɛ̄ ɓūklā ɛ́, mɛ̄ ɗūɛ̄l ɛ̂.
Í je nāá, nī jüe ka Zɛɛ̄mb dá ɗǐ pipēk nyɛɛmɛ̄t ɔ́ kúm tí ɛtháŋ tí kɔŋ mí Yésus Kilís, tí ɛsú ɛ̄ kɔ̌m tí nɛ kɔ̄m. Aamɛn!