Popular Bible Verses from Lomɛ̂ 15

Share

Í je nāá, Zɛ̌mb nyɛ mot ɗí ɛtín ɛ̄ mɛ́jendɛɛ̄l ɔ́kɛ́, ɛ́ sâ nāá, ɓī ɗî tɛ́m yɛ̂ɛs tí mimyaŋla, ɓī ɗí mílyém ɛ́sɔ̄ŋ nɛ dɔ nāá, ɓí tí ɛɓûkla ɛ̂. Náǎŋ ɛ́, ɓyá á ɗǐ lwōndlā nɛ mɛjendɛ̌l nɛ nɛ̄ tí khul Áchāāchǎnj Sisîmb.

Nɛ dɔ nāá, sá ɓā til tí Mɛkanā mɛ̄ Zɛɛ̄mb tɛ́m ɛsɔ́k ékɛ́, yā tilaa tí ɛsú ɛ nāá, yá á lyóó káɓiná. I zyē nāá, tí tɔɔ̄p ɓīsɔ̄ɔ̄ nɛ mɛlella mɛ́kɛ́l mɛ̄ték mā jüe káɓiná mák ɛ́, nī ɓyéka mɛjendɛɛ̄l.

Í je nāá, Zɛ̌mb mot ɗí ɛtín ɛ̄ ɓīsɔ̄ɔ̄ nɛ mɛlella ɔ́kɛ́, ɛ sâ nāá, ɓī gwókol pāká nyēn ɗakɛ Yésus Kilís ā ɓā lyákɛl ɓeēn ê. I zyē ɓěn ɓyɛ̂ɛsa ɓī ɗí cyūŋ, ɓī gūmɛ̄l Zɛ́mb Sāŋg Ndə́ə́ káwūnā Yésus Kilîs.

Nák ɛ́, ɓyá a sɔɔla pāká nyēn, jwok gwát ɗɛ̌ Kūmāndē Zɛ́mb ā kɛs ɔ́ ā ɓɛ ta sɔ thɔ́k ɓeēn ê. I zyē ɗín ɛ̄ mí Zɛɛ̄mb lá á nwɔŋ kûm.

Í je nāá, mot ɛ sâŋ ɛsá môt ndɔŋ yɛ̄ sá môt ndɔŋ yɛ̄ ték ɗí tí kpɛl ê, tí ɛsú lɛ̄ ɛ́nwɔŋ ɛ mót ndɔŋ yɛ̄ ték, i zyē yá á sá nāá, mot ndɔŋ yɛ̄ ték ɛ́, ɛ gwée tí ɛɓūklā.