Popular Bible Verses from Rom 5

Share

Mo Nyùy‑iì tumen Jesus Kristu, wù kpú a dzə̀ fo vèsən vee aŋgàa vinyò ve bi ví, kí nén a dìn mo wù koŋ vèsən é ŋàŋ.

A bó yòʼ dzə̀ kinyo kee shoon ki shaà fó ghaŋ, bìʼ fo Nyùy foon ne kitiír, a dzə̀ Kiyoy ke Ranén kí ke wù wayin e vèsə́n meliv, kí wáa yiì, vèsən wáa kiíy rú mo wù koŋ vèsən.

Yii bèy, mo vèsən kù dzəə́ dzə́ lèn, yén ŋgeʼ, vèsən ku yòʼ a sheʼrí sa ŋgeʼ see shoon, bìʼ fo vèsən kiìn ji ŋgeʼ sìn si yii, a vèsən yéʼti a dzə̀ e Nyùy wùn. Vèsən lóo yeʼtí bèy, é liì wòsən nèn màysì ghèén Nyùy. Gheenè, é vèsən ku nèn a leéy a dzə̀ fó mbìy, a shìy ghán se vèsən à Nyùy wíy a dzə.

Mo Nyùy liìn ne vèsən ji wír vee là jay, bìʼ fo vèsən wayin shilív e wun wùn, vèsən áwune nen suùsín, a dzə kijuŋ, a kù yiì Tàr wòsən Jesus Kristu. Ku kfə̀n yiì wun, vèsən wáa dzə lèn, a koʼtí e Nyùy wo wù‑uù bùʼùn vèsə́n si, a leéy a dzə̀ fó mbìy, a sheʼrí ghán se vèsən à Nyùy wíy a dzə, é wù yii, é vèsən wáa dzə moo wun.

A kí dzə̀ jii, vèsən‑eè dzə́, aá kér lòn, a bó yòʼ dzə̀ vèsən sə̀ vitú vesən fó lòn foo fèy. Nyùy nèn sìysì, ghán sí gheén, wù túm Jesus Kristu, wù wìy, e kpù fo vèsən vee aŋgàa vinyò ve bi ví.

A wù lì ne vèsən lèn ji wír vee là jay, bìʼ fo Kristu‑uù foon kitú kfə́, e kpù fo vèsən. Vèsən nén a kiíy sa jii, mo Kristu‑uù yiìn kee shooy, bo wù kù wíy tin vèsən sáa fo ŋgeʼ ye Nyùy wíy màʼ e wírí kitu bìʼ vinyo vév ve bi ví.

Kí kfə́n a dzə sa jii, mo wìr mòʼón‑eè tavin kitú fo Nyùy, e yiì wír aníne kfə́n ji aŋgàa vinyò ve bi ví, dzə̀ sá mo wùmòʼ woo wír yuun Nyùy, e yiì kinyo ke wù suuyin, kí nen yiì, Nyùy lí wír anín, e nàŋsín ji vee là jay.

A bó yòʼ jòʼsì kishéʼrì ke vèsən wíy a ker e ghan see shooy. Vèsən sí yú vijuŋ lèn vèsən à Nyùy, mo Tàr wòsən Jesus Kristu yiìn ne, vèsən à Nyùy koó viŋkar.