Popular Bible Verses from Rom 4

Share

Wù ku wày shilív a dzə̀ e Nyùy wùn, a shìy kinyo ke wù‑uù kàʼàn, kí wáa lùm e wùn shiliv, wù wáa burí Nyùy ghán sidzə̀m, a wù‑uù biìmé féyì ji dzə̀ Nyùy kù yiì a kinyo ke wù kàʼàn wun sho.

réŋréŋ mo vé‑eè saŋen ji Nyùy‑iì yòŋ e wun a jii, «M lèm ne wò ji tàr à vitum vinín.» Abraham nén a dzə tàr wòsən fo Nyùy si. A dzə̀ wun woo Nyùy wo Abraham‑eè wayin shilív é wùn wó, kfə́n a dzə wun wo wù yii, a wìr wo wù kpuun ne kfə́n e tin, kfə̀n yii, a vinyo ve ví yòʼ siìn ví kooy mo wù‑uù kàʼàn.

Kù‑uù sìysì wun ji Kristu kpú fo vèsə́n vinyò ve bi ví, e kfə̀n fə̀ə́r fo kpu ji wun mán ajay vesən, e fíʼ lì ji wír vee là jay.

Nyùy‑iì lo kàʼ Abraham e kinyò, a bó yòʼ‑oò dzə̀ wù wàa ker kwaʼtì ji dzə̀ á kí kòóy bey. Yii bèy, wù ku yòʼ wày shilív e Nyùy wùn, a shìy ŋkàʼmé woo shooy. Wù nèn wìy lò, a dzə tàr à vitum vinín réŋréŋ mo Nyùy‑iì yiìn ne kàʼ sho jii, «Rám yée wíy a dzə nyanyày moo mejiy meé yuv.»

Kinyo ke kí yii, bo Nyùy wáa kàʼ wír e kifa a dzə̀ wo wù wáy shilív e wun wùn, kí dzə̀ jii, wun din á ji ŋkàʼmé və kù dzə̀ mbùʼmé, a wun buʼ wír sho kisáŋ, e kfə̀n a dìn sa jii, wù dzə̀ á fo wìr dzə̀m wo wù wáy shilív e wun wùn réŋréŋ mo Abraham‑eè wayin. A bó yòʼ dzə̀ fo wír ve á kér nsər se Mooseri cáʼcáʼ. A dzə̀ wun woo Abraham wo dzəə̀n tàr wòsən vee wír Nyùy adzə̀m

«Bòŋ ké wìr ve Nyùy laysìn ajay vév, téʼ vinyo vév ve bi ví téʼén. Bòŋ ké wìr wo bó Nyùy yòʼ kív njò se wù jáyí.»

bìʼ fo Ŋwàʼ Nyùyi suuy jii, «Abraham‑eè biìmé kinyo ke Nyùy, Nyùy nèn lì wun ji wír woo là jay bìʼ shilív she wù‑uù wayin e wun wùn.»