Popular Bible Verses from Kèʼlo 45

Share

Lèn və̀n, lá vèn yòʼ a yu bír. Lá vèn yòʼ a shwiíy kilòŋ fo věn vitu bìʼ fiinè ye vèn‑eè fiìnèn mo fen. Yì‑iì tsə̀nsí Nyùy mo e věn mbìy ji m fiʼ yiì, é wíri luŋ.

Bó yòʼ‑oò lo tsə̀nsí ven mo fen. Yì‑iì tsə̀nsí Nyùy, e nèn yiì, m wáa dzə ji tàr à Farao, a dzə taàtá woo wun lav, e kfə̀n a dzə ji taà saʼ woó wòŋ Ejiv e dzə̀m.

A Nyùy kù‑uù tsə̀nsí ne mo e věn mbìy ji m wiy, e yiì, é vèn boy fó jiŋ ye ghaʼán yìn, é la rám yéné yòʼ lày fo kitu ke nsay.

Joosev nèn sùúy aàfə́r vəə́ jii, «Kii vèn, vèn kóʼtí, e wìy fo mǒ mentsə̀m.» Áwune ku nèn kòʼtí, e wìy. Wù suúy jii, «Dzə̀ mo fə́r won Joosev wo vèn‑eè fiìnèn é Ejiv.

Sì lèn viyá vibaà mo jìŋ koon é wòŋ. Dzəə́ bér viyá vitàn, ve bó wìr yòʼ wíy tuy kisoó e nsay, bóo fə̀m kav ke kavín kí.

Joosev tóŋ bey, e lò, e sùúy aàfə́r vəə́ jii, «Dzə̀ mo Joosev. Tàr wòsən dzə̀ə́ sho e tin à?» Afə́r vəə́ yòʼ‑oò ló a ker kinyo kée bìnèr e wun, bìʼ fo kindzə́m kí‑iì gwàrìn áwune mo á yenen ji á sí tíy a dzə̀ e Joosev si.