Popular Bible Verses from Fəə 15

Share

Wù‑uù sùúy jii, «Dzə̀ mo NYùY TàR, wo wù fer ayàsí vén. A vèn yiì a yu mo, a yiì vinyo vee tìítiy, a lèm nsər sém, a yiì vinyo ve m tiirin e věn wùn vidzə̀m, bo m yòʼ yíi màʼ ŋgeʼ yàsí e věn kitu ye mò‑oò màʼàn e wír veé Ejiví kitu.»

NYùY TàR dzə̀ vitaáví vém, a dzə̀ yòv wom. Wù lò ne, e lùŋèr mo. Dzə̀ wun Nyùy wom, a m yíi a burí wun, Nyùy wo tàr wor ghvə́mé, a m yíi a wùʼsì wun.

«Éè NYùY TàR, dzə̀ la moo wò aànyùyí mvəm? À dzə̀ ké Ŋgaà wo Ranén, a vikuʼùy vé vi dzə̀ jeéy. A dzə̀ yiì la viŋgaʼnìn ve vinyò ve ví kér viwìr moo wò?

À kù wíy a dìn koŋ yé ye wiyí, a tsəəné wír ve wò‑oò tinen fo aŋgaà vév vibàné. À kù wíy kìŋsìn áwune e vitaáví vé vi, e dù sho e wò kirə̀ʼ ké dzə ke ranén kí.

Á meé é Maraa, e làa yòʼ yu fóo no mendzə́v mee fó, bìʼ fo mè‑eè shíʼirì. Á kinyo ke kí‑iì yiìn, bo á shu yír yee fó ji Maraa. Wíri nèn a bashí Mooser, a suúy jii, «Vèr yíi no ka?» Mooser tóŋ e NYùY TàR, NYùY TàR dìn kicí e wun, wù màʼ e ndzəv, mendzə́v mè nèn bòŋ. Dzə̀ é kirə̀ʼ fen fo NYùY TàR‑iì tiirin kinyo kímóʼ kí aáwuné wùn, e fò nsər ye dzə̀ áwune wàa lèm, e taàsín áwune shó.