Popular Bible Verses from Lim Aŋgàa Ntum 5

Share

Pita wùn aàŋgàa ntum Jesuse nèn bìnèr adzə̀m jii, «Vèr kér fó a yu a dzə̀ kinyo ke Nyùy, e shaà ké wìr.

Áwune dù bèy, e kù nèn a yeʼéy wíri vishiíy vidzə̀m e lav cù, e kfə̀n a yeʼéy e melaʼ, a fìʼtì sáʼka wo juŋ ji Jesus dzə̀ á *Mfə̀ə́r.

Pita nèn dzə̀r shó jii, «Ananiar, à biìmé, Satan nəə́ e wò shiliv, à wíy, a boʼtí Kiyoy ke Ranén kí ji ka? À fiìnè súm a dzə̀ wó, a mbàm si dzə̀ sé. Yií ka, bo à yii kinyo kee ben? À yén ké ji à bóʼti wír, aà bóʼti a dzə̀ Nyùy.» Ananiar yú bey, e kù nèn gbù fo nsay, e kpù. Wónlě vilume tàʼ ndzə̀y, e boò dzə́n rə́ shó, e dù, a dzəə̀mè. Wíri yú kinyo kee shooy, e fàn feyì.

Fo kin ki, m nén a tir ven ji vèn maʼti á wír vìn, e làa yòʼ yiì kinyo sho. A bèn dzə̀ ji vinyo ve áwune yii, kfə̀n yéʼey vìn vi lò a dzə̀ fo wìr, bo ví wíy ŋeemé, e lày. Wáa dzə ji ví lò a dzə̀ fo Nyùy, bo bó yòʼ dzə̀ vèn ghàʼ wír vìn. A tàm vèn nèn lò, a tsəy kóy a dzə̀ vèn à Nyùy.»