Popular Bible Verses from Roma 5

Share

Lá Ŋwi a diʼnə ngə́ zɨə kɔŋ awɨgɨnə be tɨ́sə́n a nye ndómnji wɛnə ngə́ mbáʼ bɨgɨnə bvúrɨ́ mbé ngaŋ ngɨ mɨbvu, Kristo a kfó atú bɨgɨnə ghe!

Ntsiŋə məzen nɨ ntəm ɨtsum se awɨgɨnə a ntámtə́ mbɨ́ʼ ngə́ Ŋwi a nɨŋnə akɔŋnɨ azhi a mu mɨntəm ɨmɨgɨnə ntsa a ndzum Azhwi zə Fɛmnɨ, wa a benɨ azúm zə ghanɨ zə Ŋwi a mbó bɨgɨnə lá.

Bɨgɨnə kə́ ntɛ́rə́ mbɨ́ʼ ngɨ́ʼ ɨzɨgɨnə, mbɨ́ʼ ngə́ bɨgɨnə zhi ngə́ ngɨ́ʼ ghɨə bɨgɨnə tsinə nɨ achigəntəm achigəntəm a ghɨə Ŋwi a bemtɨnə awɨgɨnə, mbemtə ɨzhi məzen ɨ ghɨə bɨgɨnə tsinə nɨ ntsiŋə nɨ ntəm tsum ə.

Tɨtsɔŋnɨ wa Ŋwi a bemnɨ awɨgɨnə tso ɨbɛn ba bɨ chinɨnɨ a ɨshi ɨmɨgɨ zɨ ntsa a ndzum abeməntəm lá, mbɔnɨ tiʼ ntsi a tɨtərɨ Ŋwi abɔʼnɨ bɨgɨnə ntsa a ndzum Maʼmbyí ɨwɨgɨnə Yeso Kristo ghe. A ndzum Yeso Kristo bɨgɨnə zɛnə abɔʼ ɨ tsa ɨwu ɨ tsi nɨ abɔŋəntəm məzen za bɨgɨnə tíʼnə́ nchyɛ̌ wə mu lá. Ma lan, bɨgɨnə tɛrə mbɨ́ʼ ntsiŋə nɨ mɨntəm ɨmɨgɨnə mɨtsum ngə́ bɨgɨnə ghɨ kɨ tsi nɨ nɨfáŋ nɨ Ŋwi ə.

A nkfu za bɨgɨnə chínɨ́ keʼ kwatɨ ɨtumbəm ɨtsɨgɨnə, Kristo a kfó mbɨ́ʼ atú a bə abɨgəntəm a nkfu za ɨ kúʼnɨ́nə́.

Ntsa a ndzum alɛm azhi, bɨ ghɨ Ŋwi a bem ngə́ bɨgɨnə chinɨ a ɨshi ɨmɨgɨ zɨə; Kristo a mɨ loŋ awɨgɨnə a mbó alwɛntɔ́ŋ a Ŋwi ɨ ghɛn nɨ mbyi ɛ.

Ɨ kwiʼtɨ, tso mbáʼ bɨ ghɨ́nɨ́ ɨnɔ ɨbɛn a nye ngaŋ ngɨ mɨbvu ntsa a ndzum atɨŋətú a táʼ ŋwɔn lá, ndəŋndəŋ, bɨ ghɨ ghɨ á ɨnɔ ɨbɛn chinɨ a ɨshi ɨmɨgɨ Ŋwi ɨ tsa a ndzum azuʼnɨ a táʼ ŋwɔn ə.

A se tsɛʼ mə lá be; bɨgɨnə dórə́ mbɨ́ʼ anu za Ŋwi a ghɨnə ntsa a ndzum Maʼmbyí Yeso Kristo ɨwɨgɨnə, zɨ wa a ghɨnə awɨgɨnə a nye bɨson bɨ Ŋwi tɨtsɔŋnɨ lá.