Bita a tíʼ mbítɨ́ wəmbo ngə́, “Anania, o lo nyɛʼtɨ Satan a kon a mu ntəm ɨgho ntiʼə ntsɨŋnə agho, ngɨ agho o chwe ɨnu a mbó Azhwi zə Fɛmnɨ a nye adzaŋ za o lɛnɨ abvuʼ a nkáb za o fenɨ abɨŋ a ɨshe azo ɨwu lá ngə́ ke le? Bɔŋ o fǐŋ abɨŋ a ɨshe azo za, a bé azo; o ghɨnə fén a zɛrə, nkáb za be ɨzo ghe. O lo ndanɨ ntsɔʼ a mu ntəm ɨgho a ngɨ abə́ŋ anu tso məzen lá ngə́ ke le? Ka o chwe agho ɨnu lá a mbó ŋwɔn mɨsɔŋ a ntsu ə. O chwe ɨnu lá a mbó Ŋwi ə!” Tsɛʼ mbáʼ Anania a byínɨ́ ndzúʼ a məzen lá, ngvo a ɨshe nkfo ə. Ŋwɔn tsum wa a zúʼnɨ́ anu məzen, a tsí nɨ nɨbɔgɨ nə wi ə.