Popular Bible Verses from Ɨfaʼ 4

Share

Bɨ chi loŋ a ŋwɔn ɨ tsa lá tsɛʼ a ndzum zɨ, nkeʼ ŋwɔn adaŋ be; a mu mbyi ziŋ tsum, ka ŋwɔn adaŋ a tsi ayi ɨwu wa Ŋwi a ghanə mbáʼ a chinɨ loŋ awɨgɨnə ghe.”

Bo ghɨnə mɛ́tɨ́ a ntsaʼtɨ Ŋwi, adiʼ za bo tsínɨ́ ɨwu lá a nɛmə. Azhwi zə Fɛmnɨ a lwɨ́gɨ́ awa bɨtsum, bo tiʼ mbiʼnɨ nchwítɨ́ nkən Ŋwi nɨ mɨntəm mə fankɨnɨ ə.

Tɨtsɔŋnɨ nə Maʼmbyí, ze adzaŋ za bo kyésɨ́nə́ awɨgɨ, Maʼmbyí tiʼ ngɨ awɨgɨ ngaŋ afaʼ ɨtso ngə́ á bɨgɨ soŋ nkən ɨgho nɨ mɨntəm mə fankɨnɨ ə.

Yeso a nɨ ŋwɔn wa aŋwaʼnɨ a Ŋwi a sóŋnɨ́ mbɨ́ʼ ayi ngə́: ‹Ngɔʼ za bɨvwu bɨ ndá tónɨ́ lá, ɨ bə́ŋ ntíʼ ngɔʼ nɨbú nɨ ndá ə.›

A kɨ́ʼnɨ́ Ngaŋ Sáʼ Abyɛn tsa adzaŋ za Bita bo Yoane tsínɨ́ nɨ mɨntəm mə fankɨnɨ, nkwiʼtɨ ngə́ bo bé tsɛʼ ɨbɛn a njwankɨ nkeʼ aŋwaʼnɨ zə dɨtɨnɨ zə tse yɛʼə. Bo tíʼ njí a nyom məwa ngə́ bo kwɛ́ mbé ngaŋ aku Yeso ghe.

Ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi bé lá tsɛʼ táʼ azúm a ntəm bo abɔʼnɨ akwaʼtɨ aza ghe. Ŋwɔn tse a tɨtərɨ bo a sé sóŋ ngə́ azúm zə tsɛrə za zɨə tsínɨ́ nɨ zɛrə a nɨ tsɛʼ azhi ɛ. Bo kə́ ngyɛbtɨ ɨdzúm ɨtsa tsɛʼ ɨtsum a tɨtərɨ bo ghe.