Popular Bible Verses from Apocalipsis 5

Share

Y adayaaba jembyu̶ u̶y najty y'u̶u̶gu̶xypy: “Miich xypyaatp mgu̶u̶ychówu̶ch je̱'e̱ naky abu̶dity, y mgatzku̶u̶dzu̶ch je̱'e̱ sellu̶. Je̱' ko tu̶ miich mwindzu̶gu̶'u̶ñ'áty y mdeemy m'yojky je̱'e̱ mne'pty y du'un miich je̱'e̱ ja'ay ñu̶u̶ pyoky tu̶ myajni'iwa'ach neby yajpaatku̶xu̶ch ma je̱'e̱ Diosu̶ñ ku̶xyu̶ mu̶dyiibu̶ je̱'e̱ ñi'kx kyopt kyolor tu̶gachjyatyu̶ñ ajku̶xy, mu̶dyiibu̶ tu̶gachjyaty kápxku̶xpu̶ñ, mu̶dyiibu̶ mutzk naax mutzk kajpt tzóngu̶xpu̶ñ y du'uñdyu̶ je̱'e̱ naax kajpt kyu̶xy'atyu̶ñ.

y myu̶naangu̶xy janch mu̶kjaty: “¡Je̱'e̱ Borreegu̶'úng mu̶dyiibu̶ windzu̶gu̶'u̶ñ'ajtu̶ñ je̱' paattu̶p mu̶dádu̶ch je̱'e̱ mu̶k'ajt y oy'ajtu̶ñ, y je̱'e̱ wij'ajt ke̱j'ajtu̶ñ y je̱'e̱ mu̶j'ajtu̶ñ, je̱'e̱ windzu̶gu̶u̶yu̶ñ, je̱'e̱ ku'umaayu̶ñ y je̱'e̱ win'u̶u̶w winyaaxu̶ñ!”

Tu̶ miich je̱'e̱ ane̱'e̱mbu̶ mbu̶da'agy ma je̱'e̱ ja'ayu̶ñ, tu̶ miich je̱'e̱ mu̶jtuungmu̶u̶dpu̶ mbu̶da'agy ko u̶u̶ch je̱'e̱ nDios xymyu̶duunu̶ch ajku̶xy neby je̱'e̱ teedyu̶ñ, y ane̱'e̱mgu̶xu̶p ya naaxwiiñ.”

Y nmu̶doowu̶ch nandu'un ko ku̶xyu̶ mu̶dyiibu̶ je̱'e̱ Dios yajkoju̶ñ mu̶dyiibu̶ jiiby tzajpjooty, y mu̶dyiibu̶ ya naaxwiiñ, mu̶dyiibu̶ jiiby naaxpa'tku̶'u̶by mu̶dyiibu̶ jiiby mejyjyootyu̶ñ, myu̶naangu̶xy: “¡Je̱'e̱ mu̶dyiibu̶ jiiby u̶ñaaby ma je̱'e̱ ane̱'e̱mdaaktu̶ñ y je̱'e̱ Borreegu̶'úng, je̱' je̱'e̱ win'u̶u̶w winyaaxu̶ñ, je̱'e̱ windzu̶gu̶u̶yu̶ñ, je̱'e̱ ku'umaayu̶ñ, y je̱'e̱ mu̶k'ajt paattu̶p wiinu̶u̶xu̶u̶ wiinu̶u̶jumu̶jt!”

Peru̶ chi u̶u̶ch je̱'e̱ amu̶jja'aydyu̶jk nidu'ugtu̶ xyñu̶maay: “Ka'p myaaxnu̶, tu̶ je̱'e̱ mu̶k'ajt mu̶u̶dpu̶ je̱'e̱ ju̶bu̶kpu̶ mu̶mada'agy ma je̱'e̱ judaja'ayu̶ñ, je̱'e̱ mu̶dyiibu̶ du'un neby je̱'e̱ jaamgaaju̶ñ, je̱'e̱ ane̱'e̱mbu̶ David y'ok'ung y'o'k'ana'k. Y je̱'e̱ju̶tz je̱'e̱ naky abu̶dity mu̶baad yaj'awa'ach y katzku̶u̶dzu̶ch je̱'e̱ juxtujkpu̶ sellu̶.”