Popular Bible Verses from Apocalipsis 14

Share

Mu̶'it u̶u̶ch je̱'e̱ ayuuk tu'ug nmu̶dooy chooñ tzajpjooty, xyñu̶ma'ayu̶ch: “Kuja'aw adaa: ‘Jootkujk cham y jiinu̶, je̱'e̱ mu̶dyiibu̶ Dios ku̶'u̶'aam o'kku̶xpu̶ñ mu̶bu̶jkku̶xy je̱'e̱ Windzú̶n Jesús.’ ” “Jaanch —du'un je̱'e̱ Espíritu Santo myu̶na'añ—, pókxku̶xnu̶py je̱', neby tu̶ tyuungu̶xyu̶ñ, je̱' pube̱du̶u̶ju̶p ajku̶xy je̱'e̱ oybyu̶ mu̶dyiibu̶ tu̶ tuungu̶xyu̶ñ.”

¡Y yaaju̶tz je̱'e̱ Dios jya'ay mye̱kxtujku̶ñ tyúnu̶ch, je̱'e̱ mu̶dyiibu̶ je̱'e̱ Dios y'ane̱'e̱mu̶ñ kuydyuungu̶xpu̶ñ y mu̶dyiibu̶ je̱'e̱ Jesús tu'ug'aa tu'ugjoot mu̶duungu̶xpu̶ñ!

Y cham janch mu̶k myu̶na'añ: “Tzu̶gu̶u̶ygyu̶x je̱'e̱ Dios y ku'umaaygyu̶x ja'aymye̱jtzku̶x, je̱' ko tu̶ je̱'e̱ hooru̶ paady mu̶naa je̱'e̱ naaxwiiñjya'ay tu̶ydyuna'añu̶ñ. Windzu̶gu̶u̶y o'owu̶dajtku̶x je̱'e̱ mu̶dyiibu̶ yajkoju̶ñ je̱'e̱ tzajp, je̱'e̱ naax, je̱'e̱ mejy y majaty je̱'e̱ nu̶u̶ pyu̶dzu̶myu̶ñ.

Chi je̱'e̱ ángel jadu'ug pyanu̶kxu̶ je̱'e̱ mu̶du̶gu̶u̶kpu̶, cham janch mu̶k myu̶na'añ: “Pu̶nu̶ jii je̱'e̱ ju̶bu̶kju̶yujk pu̶n windzu̶gu̶'u̶y, y windzu̶gu̶u̶yu̶ je̱'e̱ y'agojnáx, y ñayyegyii ko je̱'e̱ y'ijxpe̱jt pyu̶daakku̶xu̶ch ma je̱'e̱ wyimboku̶ñ o ma je̱'e̱ kyu̶'u̶ju̶ñ, ñi'igu̶ paadu̶py je̱'e̱ mu̶kpu̶ tzaachpyu̶ ajku̶xy, je̱'e̱ mu̶dyiibu̶ je̱'e̱ Dios kye̱xe̱e̱mbyu̶ñ, je̱'e̱ mu̶dyiibu̶ tu̶ ni'ixu̶'u̶yu̶ñ mu̶u̶d je̱'e̱ jyootma'tu̶ñ ku̶xyu̶; y yajtzaachtyuungu̶xu̶p je̱' mu̶u̶d je̱'e̱ ju̶u̶n y azufre ma je̱'e̱ ángelestu̶jk winduuyu̶ñ ajku̶xy, y ma je̱'e̱ Borreegu̶'úng winduuyu̶ñ. Je̱'e̱ ju̶u̶njók ma naty y'ayoogu̶xyu̶ñ ídu̶p je̱'e̱ wiinu̶u̶xu̶u̶, y ka'p pokxu̶ñ je̱'e̱ jiiby paatku̶xu̶ch, xu̶u̶m tzum je̱'e̱ y'ayoogu̶xu̶ch pu̶njaty naty je̱'e̱ ju̶bu̶kju̶yujk windzu̶gu̶u̶ygyu̶xpu̶ñ y je̱'e̱ y'agojnáx, y pu̶njaty je̱'e̱ ijxpe̱jt ku'ubu̶jkku̶xpu̶ñ ko je̱'e̱ ju̶bu̶kju̶yujk xyu̶u̶ pyu̶daakku̶xu̶ch ajku̶xy.”

Chi u̶u̶ch je̱'e̱ Borreegu̶'úng n'ijxy tyu̶na'ay ma je̱'e̱ Sión koptu̶ñ. Jim najty je̱'e̱ ja'ay mu̶go'px ja'ajuxytyíkxy mu̶daaxk mil mu̶u̶du̶ch, mu̶dyiibu̶ najty jim wimbokku̶xy kuja'ay mu̶dajtku̶xpu̶ñ je̱'e̱ Borreegu̶'úng xyu̶u̶ y je̱'e̱ tyeedy xyu̶u̶.

Chi u̶u̶ch je̱'e̱ ángel jadu'ug n'ijxy kye̱e̱kwu̶díty kuptzajp y mu̶nu̶kxy je̱'e̱ ayuuk tu̶y'ajt mu̶dyiibu̶ wiinu̶u̶xu̶u̶ ijtpu̶ñ ma je̱'e̱ mu̶dyiibu̶ ya naaxwiiñ tzu̶naaygyu̶xpu̶ñ, du'uñdyu̶ je̱'e̱ naax kajpt kyu̶xy'ajtta'ayu̶ñ, ma je̱'e̱ mu̶dyiibu̶ ñi'kx kyopt kyolor tu̶gachjyatyu̶ñ ajku̶xy, ma je̱'e̱ mu̶dyiibu̶ tu̶gachjyaty kápxku̶xpu̶ñ y mu̶dyiibu̶ tzóngu̶xpu̶ñ majaty je̱'e̱ mutzk naax mutzk kajptu̶ñ.

Chi je̱'e̱ mu̶me̱tzkpu̶ ángel pyanu̶kxu̶, cham myu̶na'añ: “¡Tu̶ kyu'udu̶góy, tu̶ kyu'udu̶góy je̱'e̱ Babilonia mu̶j kajpt, je̱'e̱ mu̶dyiibu̶ je̱'e̱ naaxwiiñjya'ay ku̶xyu̶ win'u̶nu̶ñ mu̶u̶d je̱'e̱ jyu̶bu̶kwinma'añ, du'un neby je̱'e̱ to'oxyu̶jk ya'aydyu̶jktu̶jk a'uugu̶'u̶yu̶ñ ju̶gu'uwin'u̶u̶nu̶'u̶y y chi mu̶dtuundu̶góy!”