Popular Bible Verses from 1 Tesalonicenses 5

Share

Jootkujk ijtu̶u̶gu̶x. Mu̶bu̶jktzoogu̶x je̱'e̱ Dios ja'anaam ja'atzojk. Ye̱jkku̶x je̱'e̱ Dioskujuuyu̶p ma je̱'e̱ Diosu̶ñ oy neby mjajtku̶x m'abe̱jtku̶xu̶ch, je̱' ko du'un je̱'e̱ Dios tzoky mu̶u̶d miich ajku̶xy je̱'e̱ mu̶dyiibu̶ je̱'e̱ Cristo Jesús mu̶bu̶jkku̶xpu̶ñ ko je̱'e̱ Dioskujuuyu̶p mye̱jkku̶xu̶ch ma je̱'e̱ju̶ñ.

Wan je̱'e̱ Dios ku̶'u̶m, je̱'e̱ Dios mu̶dyiibu̶ je̱'e̱ jootkujk'ajtu̶ñ ye̱jkpu̶ñ ku̶xyu̶ xyajwaatztaaygyu̶xy wa'adzu̶ wa'adzu̶, y xykyweentu̶'ajtu̶ch je̱'e̱ mjoot mwinma'añ ku̶xyu̶ ajku̶xy, je̱'e̱ mju̶wu̶'u̶ñ ajku̶xy, je̱'e̱ m'aanu̶mu̶ ajku̶xy y je̱'e̱ mni'kx mgopt ajku̶xy, ka'p je̱'e̱ poky ku̶dyeey naty maaju̶ñ, u̶xtu̶ koonu̶ je̱'e̱ nWindzú̶n Jesucristo ajtu̶m ajku̶xy naty ya naaxwiiñ ja'adu'ook wyimbijttu̶gách. Je̱'e̱ Dios je̱'e̱ mu̶dyiibu̶ tu̶ xywyin'ijxku̶xyu̶ñ, tu'uda'agy je̱', y kyuydyune̱e̱mby adaa du'un ku̶xyu̶ neby tu̶ myu̶na'añu̶ñ.

Naygyweentu̶'ajtu̶gu̶xu̶ ko ka'p mu̶baad ni pu̶n tii ju̶bu̶k yaj'awimbijtu̶gách ma je̱'e̱ myu̶gu'ugu̶ñ, je̱'e̱ mu̶dyiibu̶ naty tu̶ myu̶duundu̶goyiiju̶ñ. Ni'igu̶ ni'igyu̶ je̱'e̱ oybyu̶ mduungu̶xu̶ch mu̶u̶d je̱' ajku̶xy, du'un ma miich ajku̶xyu̶ñ y ma je̱'e̱ ja'ay ku̶xyu̶ ajku̶xyu̶ñ.

Paady, nayjyootmu̶kmooyu̶gu̶x y naybyube̱jtu̶gu̶x amíñ u̶xyu̶py, du'un neby cham mduungu̶xyu̶ñ.

Nan nyajni'ipu̶jkku̶xypy mu̶gu'uktu̶jk, ko ojku̶x mu̶gápxku̶x je̱'e̱ mu̶dyiibu̶ ka'p tyunaangu̶xyu̶ñ, jootmu̶kmooygyu̶x je̱'e̱ mu̶dyiibu̶ tu̶ chijpu̶gu̶xnu̶ju̶ñ, pube̱jt pudu̶gu̶u̶ygyu̶x je̱'e̱ mu̶dyiibu̶ je̱'e̱ mu̶bu̶jku̶ñ we̱e̱nu̶ mu̶dajtku̶xpu̶ñ y mu̶me̱kxtujkku̶x nigu̶xyu̶ ajku̶xy.

Je̱' ko ka'p je̱'e̱ Dios je̱'e̱ tzaachpyu̶ tu̶ xyajnibu̶daagu̶u̶yu̶m ajku̶xy, je̱' je̱'e̱ tu̶ xyajnibu̶daagu̶u̶yu̶m ajku̶xy neby je̱'e̱ aanu̶mu̶ ni'idzooku̶ñ mbaattu̶mu̶chu̶ñ ajku̶xy mu̶u̶d je̱'e̱ nWindzú̶n Jesucristo kyu̶xpu̶ ajtu̶m ajku̶xy.

Miich nigu̶xyu̶ miich je̱'e̱ tu̶y'ajt mnejwu̶u̶ygyu̶xy, ka'p agoodztuumb nyajpaatu̶nu̶ ajku̶xy.